Ўзбекистоннинг мустақиллик тўйи, ҳар йили 1-Сентябрда нишонланади. Бу сананинг мустақиллик байрами бўлгани , шахсан мен учун маъқул эмас. Негаки, катта ва ўрта ёшдаги авлод, 1-сентябрь кунини, мактабнинг биринчи қўнғироғи билан ҳис этадилар.

Миллий боғда ўтказилган, мустақиллик тўйимиз, навбатдаги тамошалар билан ўтти. Тўй боши , бу борада  кўп йиллик тажрибага эга бўлса керак. Тўйни, Каримов буйруғига ва кўнглига мос келадиган даражада саҳналаштирибди. Масалан:

Саҳнадаги артистларнинг ва ўриндиқлардаги томошабинларнинг юзларидаги  хурсандчиликлар шунчалар ёрқин эдики, улар кўпчилик ватандошларимизга ўхшаб, умурида тирикчилик ташвишлари билан азоб чекмаганга  ўхшар эдилар.

Мен, катта бир корхонада ишлаган пайтларимда, мустақиллик байрами  тўйига,  тўй ташкилотчиларидан корхона ишчи, хизматчилар учун,  таклифномалар келар эди. Корхона рахбариятига  эса, таклифномалар қошида, яна  эслатма ҳам келар эди. Эслатмада айтилишича, таклифнома соҳибининг, ҳеч қандай норасмий ташкилотларга аъзо бўлмаганлиги, кафолатланган бўлиши шарт эди. Таклиф қилинганни, ўзига тўқ оиладан бўлиши, ҳулқида босиқлик, сиёстга аралшмайдиган савияда, ёш ва чиройли бўлиши ҳам кўрсатилар эди.

01.09.13 йили ҳам тўйдаги томошабинларининг,  режимнинг стандартига биноан сараланганликлари кўриниб турди. Томошабинлар, беташвиш тўйга келиб, мириқиб гала концертни тамоша қилдилар. Каримовга беҳисоб раҳматлар айтиб, ҳамма келган тамонига қараб, тарқалди.

Мамлакатимизнинг биринчи лавозим эгаси хўжайни, Каримов бетидаги хурсандчилик кўп маънили эди. Аввалари, президент халқ олдида ошкора рақсга тушмас эди. Томошага келган Каримовнинг ўтириши ҳамиша қатъий, башараси жиддий ва кўриниши ҳукумдорга хос бўлган.

Бу сафар, юрт бошлиғи, ҳалқ олдида ўзини анча эркин тутишга ҳаракат қилди. Рақсга тушди. Оддий санъат шинавандасига ўхшаб, рақс ва қўшиғларни эмоця билан кутуб олди. Президентимизнинг ўзини бундай оддий ва енгил тутиши “Мен ҳам сизлардан бирисиман”, деганига ўхшарди. Бу “оддийлик”нинг, ўзбек миллатига 23 йил диктаторлик қилган одамга  таъллуқли бўлганидан, халқ  ҳалигча ҳайратда.

Вақт,  ҳамма нарсани ўз ўрнига қўяверади.Президентимиз ёш эди. У тузган, яхши ёмон режаларни, атрофидаги  хизматчилари, қатъийлик ва зудлик билан, сўзсиз амалга оширганлар.  Одамни ёш ўтган сари хотираси сусаяди. Касаллиги кўпаяди. Ишидан чарчайди.

Прездентимиз учун, атрофидаги хизматчиларига,  қатъиятлик билан,  вазифа буюриш  даври ўтганга ўхшайди. Чунки, яхши шогирд устозидан ўзгани каби, президент атрофидагилар  ҳам, устозлари илмини ўрганиб, унинг ғазабидан қутилишнинг ва нотўғри буйруқларини бажармасдан четлаб ўтишнинг , самарали  йўлларини ўзлаштирган кўринади.

Президент атрофидагилар, ўз хизмат доираларида мустақил фикирловчи, ўзига хос ва ўзига мос кадрларга айланган. Президентимизнинг иш юритиш усуллари,  бажарувчилар тамонидан, унинг  буйруқларини, ўзи  айтгандек ва шартсиз бажарилишига мосланган. Энди эса у, атрофидагиларнинг  кучи кучига тенг, бўйи бўйига тенг, ўзидай айёр амалдорлар  билан рўпоро  турибди. Бу, Каримов учун оғир вазият.

Дунёадаги уруш ва тинчлик стратегияси, шахсий саломатликлари, унинг  президентлик лавозимини  давом қилдириш  имкониятини чеклаган кўринади.

Президентимизнинг, байрам кунги кўп маънили хурсандчилигида, ана шу лавозимнинг оғир юкидан холос бўлиш ниятлари кўриниб тургандай эди. Агар шундай бўлса, президентимизнинг, ўз вақтида қўйган, ўта муҳим қадами деб ҳисоблайман.

Ундай бўлса,  2015 йилги президент сайловлари, президентсиз ўтадиган бўлибди. Президентсиз, президент сайловлари!  Ўзбек халқи, бундай кутилмаган ҳолга, ҳали кўникмаган.

Халқимизга, “Ҳақ йўл билан, адолат сари” ғояси атрофида бирлаштирувчи куч зарур.  Бугун “Каримов кетса, нима қилмоқ керак?” шиори ҳам долзарбдир. Халқимизнинг бугунги ижтимоий сукунати, маълум шароитда, жамиятимизни  инқилобий ўзгаришларга олиб келиши мумкин. Президентнинг лавозимидан кетиши, бу ўзгаришга биринчи шароит бўлади.  Инқилоб  шароитининг мазмуни нималардан иборат?

ОАВдан мақсадли фойдаланиш,халқнинг инқлобий онгини оширади. Жамиятни ҳаракатга келтирувчи куч, бу матбуот эркинлигидир.

Баҳорий инқлоблар моҳиятидан, дунё сиёсати кўп нарсаларни ўрганди. Биз ҳам ўрганишимиз зарур. Ўрганаяпмиз ҳам.

Бугун ЎХҲ, инқилобий ҳаракатлар ичида, энг фаоли ҳисобланади. ЎХҲ ўзининг бугунги солоҳияти билан ҳам, мамлакатда содир бўлиши кутилаётган инқлобий ўзгаришларга бош бўла олади. Агар барча  сиёсий ва инқилобий кучлар, ЎХҲ атрофида бирлашсалар, халқни ҳаракатга келтирувчи кучига яна янги куч қўшилган бўлар эди.

Нураддин Жуманиёз
02.08.13.