O'zbekiston ERK Demokratik Partiyasi

Бу дунёнинг ўзи эмасми, бир кам?

Бу дунёнинг ўзи эмасми, бир кам?
84 views
03 March 2017 - 6:00

Бек Мурод

Йиллар азоби
Тўқсонинчи йиллар шеърияти

Қўлингда бор бўлса…

Қўлингда бор бўлса, мол дунё, эй дўст,
Йўқлаб келар эмиш, бегоналар ҳам.
Омад юз ўгирса, гар қоқилсанг, дўст,
Айланиб ўтармиш, девоналар ҳам.

Тўрт оёқ устида қоқилади от,
Бургутлар тузоққа, уради қанот,
Бўри ҳам чалғийди, йўлида бот-бот,
Оловга тўш урар, парвоналар ҳам.

Не учун хатолар қилмасин одам,
Бу дунёнинг ўзи эмасми, бир кам?
Шундай яратгандир, аслида Ҳакам,
Холи эмас бундан, авлиёлар ҳам.

Ойга боқ, юзида ҳамиша доғи,
Урса хазон, қурир, шоҳларнинг боғи,
Отадан келади, ўзгармай, дағи,
Узилса, тўкилар, дурдоналар ҳам.

Муродбек, бу сўзни айтмадинг, асло,
Деганлар бошқалар, соғ бўлсин, илло,
Бир мақомда турар, Қодири Якто,
Гуноҳга бош урар, ягдоналар ҳам.

* * *

(давоми бор)