O'zbekiston ERK Demokratik Partiyasi

Бўлажак диктатор Шавкат Мирзиёев ва хавфли тройка ҳақида

Бўлажак диктатор Шавкат Мирзиёев ва хавфли тройка ҳақида
37 views
18 April 2013 - 14:29

Шу кунларда Ўзбекистонда парда ортида бўлаётган сиёсий ўйинлар мени тез орада stopdictatorkarimov.com деган сайтимни stopdictatormirziyaev.com деган янги сайтга ўзгартиришга олиб борадиганга ўхшайди. Чунки ҳамма нарса шунга қараб кетаяпти.
HH
Бундай хулоса қилишимга қуйидаги нарсалар асос қилиб олинди:

1. Олий Мажлиснинг илк маротаба Бош вазирни саволга тутишга уринмоқчи бўлгани чиппакка чиқди.
2. Миллий Хавф Хизмати раиси Рустам Иноятов ва Бош вазир Шавкат Мирзиёев ўртасида янги қариндошлик ипи боғланди деган гап бор.
3. Ш.Мирзиёевнинг одами бўлган Ички ишлар вазири Баҳодир Матлюбов ўз мавқеини борган сари мустаҳкамлаб олмоқда.
4. Иқтидордаги диктатор Ислом Каримовнинг шарти кетиб парти қолди. У ҳокимият тизимларини секин аста айнан Ш.Мирзиёвга топширишга мажбур бўлмоқда. Бунга бир томондан қарилик, иккинчи томондан касаллик ва учинчи томондан Мирзиёев-Иноятов -Матлюбов тройкасига қарши бирор бошқа кучли тройка топа олмаётгани ҳам сабаб бўлмоқда.
5. Бош вазир Ш.Мирзиёв билан мансаб, ҳокимият тизимлари ичидаги кучли алоқалар ва унинг шахсий зўравонлик сиёсати каби масалаларда у билан очиқ рақобат қила оладиган бирорта бошқа сиёсатчи Ўзбекистонда йўқ.

Қиссадан ҳисса шуки, Ўзбекистон демократик мухолифат кучлари мавжуд вазиятдан келиб чиқиб ҳаракат қилишлари ва ўзларининг тактик ва стратегик режаларини бугун қайта кўриб ва пухта ишлаб чиқишлари керак. Акс ҳолда бўлажак диктатор Шавкат Мирзиёев мавжуд диктатор Каримовдан ҳам бадтарроқ зулм, жахолат ва Ўзбекистон халқларига нисбатан турли туман кўринишдаги босимлар ва репрессияни янада кучайтиради холос.Чунки бу хавфли тройка вакилларининг ҳар бири ҳар қандай муаммони ечишнинг энг осон йўли куч ишлатишдир деган давлат сиёсатини яратувчилари ва тарафдорларидир.

Ҳазратқул Худойберди

“Фейсбок”дан олинди