ВАЗИРНИ “ИНСТРУКТАЖ” ҚИЛГАНЛАРИ РАВШАН ЭДИ

Кечаги эълонга берилган фикр истакларни ўқиб,бир тарафдан қувониб,бир тарафдан маҳзун бўлдим.

Муҳолифатни моҳиятан адолатга эгиз тушунча деб билишлари,айни дамда муҳолифат юрт учун нондек азиз неъмат экани,фақат муҳолифат сабаб поймол этилган ҳуқуқлар тикланиши,фақат муҳолифат сабаб букир қаддимиз ростланиши мумкин эканини эркин фикр эгалари англаб етганидан нега қувонмай?

Афсуски Мирзиёев ҳукумати миллионлаб қора кўзларни яна номуд қилди,яна панд берди,яна кўз бўямачилик қилди.Лафз субут деган тушунча уларга мутлақо ёт нарса эканини далиллади.

“Эрк” партияси вакиллари Адлия вазирлиги биноси олдида

Очиғи аризамизни қабул қилиб “”ЭРК”ни тиклаш масаласини имкон қадар ижобий ҳал этамиз”деб кейинроқ рад жавоб берсалар деган ҳаёлда эдим.

Руслан Давлетов самимий инсон экани чеҳраси айтиб турарди.Лекин уни инструктаж қилганлари аниқ ва равшан эди.Ҳузурига кирганимиз заҳоти битта айтган гапи шу бўлди “Ҳеч қандай “ЭРК” йўқ.Унинг фаолияти 1993 йил тўҳтатилган.”ЭРК”нинг лидери,фаолларига нисбатан ўз вақтида жиноий иш қўзғатилган.Шундай экан энди “ЭРК”ни унутинг.”деб гапни қисқагина тугатди.

Гапига яраша вазир биздан ҳам шарттаки гаплар эшитди.”ЭРК”нинг фаолияти Каримовнинг антиконституцион ҳокимиятнинг қарори билан қонунга ҳилоф равишда туҳтатилганини,аслида мустақиллик деклорацияси “ЭРК”нинг ташаббуси билан Олий мажлисга қўйилгани,Каримов бунга тиш тирноғи билан қарши бўлгани,икки ой ўтмай ГКЧПни қўллаб қамалиб кетишига оз қолганда жонини асраш мақсадида мустақилликни тўсатдан эълон қилиб юборганини,чаккка чаккада вазирга гапира кетдик.

Вазир Руслан Давлетов ўнг қўли билан костюми ичидан чап кўксини тинмай силашга тушди.

Ёшгина вазирнинг бу ҳолатидан шуни англадим.Йигитнинг юраги ҳали тоза,лекин мияси чириган тузум билан захарланган эди.Қалб эса ўша дамда ноҳақ мия билан келиша олмагани сабаб тинмай безовта бўлаётганди.

Бу гап ўша фурсатда миямга келмагани чакки бўлди.

Ҳуллас кечаги муносабатдан,Мирзиёев нафақат “ЭРК”ка, умуман ҳеч бир муҳолифатга йўл бериш нияти мутлақо йўқлиги ошкор бўлди.Буни энди англамаслик учун одам ғирт думбул бўлиши керак.

Президентнинг муҳолифат ҳақидаги сўзи,сайлов комиссияси раиси Абдусаломовнинг баёноти шунчаки уқувсиз драматург пеьсаси асосида саҳналаштирилган ношуд режиссёрнинг бир пулга қиммат спектакли экан.

Яна аниқ бўлдики Мирзиёев ҳукумати муҳолифатни ҳусусан “ЭРК”ни ўзлари учун ажал фариштаси деб билишаркан.

Демак давлат “муҳолифатга ҳеч бир тўсиқ йўқ” деб дунё афкор оммасига навбатдаги кўзбўямачилик қилишларига мажбур бўлишган экан,демак дўппи тор келаётган кўринади.

Яқин кунларда халқаро нуфузли ташкилотлардан шунга яраша жавоб олишларига шубҳа йўқ.

Дўстларим !!! Сиз матонатли инсонсиз.Мутлақо кайфиятни тушурманг.

Адолат йўлида бу кураш биринчи қадамдир.

Ҳозирча Президентга айтар сўзим : “Шавкат ака!!! Чин дўстдан қочманг…Қўрқманг “ЭРК” ажал фариштаси эмас…”

Санжарали Имом