O'zbekiston ERK Demokratik Partiyasi

Вақт босими остида

Вақт босими остида
165 views
29 April 2017 - 8:00

Ислом Холбой

ХАЁЛ ЕТМАС МАНЗИЛЛАР

 

Тухм ерга кириб чечак бўлди,
Қурт жондан кечиб ипак бўлди.
Алишер Навоий.

Орзу 

Вақт босими остида –
Ушалади орзулар,
Катталашиб боради,
Ҳар зарбадан дард, армон.
Бош уради муаммо,
Уввос солар, ёзғулар,
Рўзғорнинг ташвишлари
Айлаганда андармон.

Йириклашаверади,
Ўпка дақиқа сайин,
Ушалишнинг ҳисоби
Сарроф каби болғалаб.
Ўт шишади пуфакдек,
Энди жигарга қийин,
Қон қочади қирғоқдан
Денгиз каби, долғалаб.

Ҳар нарсанинг тусига
Монанд тушади исми.
Шоҳга қўндирилган тож
Фуқаронинг атвори.
Ўзгага ўзан бўлмас,
Ҳеч қачон ўзга хасми,
Қул каби етаклайди,
Юртни кимнинг девори.

Итига “Гулбика” деб,
Ном беради шуаро,
Йўлида учратганда
Мирак деган болани.
Орзулар ғам бўлашар,
Тонглар билан ўзаро,
Сотиб олар бошига
Ҳар гал кунлар балони.

* * *

(давоми бор)