Стромсундда амалга оширилган суиқасдга кўмаклашган гумонланувчилар иш юзасидан бугун суд жараёни бошланди. Отиб кетилган имомнинг қўшниси Даниел Эгамбердиссон ҳам кўпгина ўзбеклар қатори бу суда қатнашмоқда.
“Ўзбекларнинг ҳаммаси судда қатнашиши жуда муҳим”, – дейди Даниел Эгамбердиссон. –
“Бу ердаги кўпгина ватандошлар бу судда қатнашиш учун келганлар ва бу биз учун жуда ҳам муҳим”, – дейди у.
Шу йилнинг февраль ойида Ўзбекистондан келган бир аёл ва бир эркак Стромсундда яшовчи иммом Обид қори Назаровга суиқасд қилган кишига ёрдам берганликда гумон қилинмокда. Бугун Остерсунд туман судида бу эр-хотиннинг суди бошланди. Даниел Эгамбердиссонга кўра бу ўзбеклар учун муҳим бўлган воқеада Стромсунд ва унинг атрофидаги маҳаллардан 200 дан ортик ўзбеклар суда қатнашишмоқда.
“Назаров биз учун мухим. У бизнинг устозимиз. Ҳамма бу гумонланувчи эр-хотинни кўриб кўзига қарамоқчи. Ҳамма уларнинг нима дейишини эшитишни истайди. Бундан ташқари Швециянинг бошка минтакаларидан ҳам ўзбекларнинг Остерсунддаги судга келиши кутилмоқда”, – дейди у.
Суд жараёни тўрт кун давом этади ва 6 нафар гувох суроқ қилинади
Тергов суриштурув маълумотлари бўйича бу 30 ёшидаги икки ўзбек (эр-хотин) суиқасдга тайёргарлик кўришда суиқасд ижрочисига ёрдам берган. Уларнинг телефон қўнғироклари, квитанциялар, компютер тизимида қолдирилган излари, банк маълумотлари ва бошқа даллиллар ҳам суриштурув материлларида акс этилган. Аёл биринчи галда Обидхон Назаровнинг адресини Интернет орқали қидириб топган. Кейин бу эр-хотин бир машинани ижарага олиб Стромсундга борган ва Назаровнинг одатларини ўргана бошлаган. Гумонланаётган эркак бир бор Обидхон қори Назаров имомлик қилган намозда иштирок этган. Намоздан сўнг улар бир-бирлари билан саломлашишган.
Жиноятчи суиқасдни амалга ошириганидан сўнг эр-хотин уни қабул қилиб Мальмодаги ўз уйларида тунашга рухсат берганлар. Суднинг биринчи кунида аёл суроқ қилинмокда.
“Остерсунд постен” газетаси суд залидан узлуксиз репортаж бермоқда.

Торд Андерссон
Шведчадан Тўлқин Қораев таржимаси