Ҳолид Шишанийнинг Кавказлик мужоҳид амирлардан бирига ёзган мактуби

Аллоҳ номи билан.  Оламлар Роббиси бўлган Аллоҳга ҳамдлар бўлсин. Аллоҳнинг пайғамбари,  мужоҳидлар амири Муҳаммад Мустафога Унинг солавот ва саломлари бўлсин!  Гувоҳлик бераманки,  Аллоҳдан ўзга барҳақ илоҳ йўқ ва гувоҳлик бераманки,  Муҳаммад Аллоҳнинг қули ва элчисидир. 

Ундан кейин:
Кавказлик мужоҳид биродарларга:  ассалому алайкум ва роҳматуллоҳи ва барокатуҳ. 

Салом сенга,  эй биродарим. 

Менинг бу хатим — сен учун насиҳат ва тушунтиришдир.  Сенинг биродарларга жўнатган (аудио ёки видео) мурожаатинг омонат бўлиб менга ҳам етиб келди.  Сен у хатингда “ИД”  (“ИШИД”, “ИЛИД”, “Давла”, “Халифалик”)га нисбатан бўлган ўз мавқеингни тушунтиргансан ва Шомдан қайтиб борган одамлар сенга берган маълумотларга суяниб,  ўз фикрларингни айтиб ўтгансан.  Инша Аллоҳ,  мен сенга бу маълумотлар хусусида тушунтираман ва насиҳат қиламан,  негаки бир-биримизга ёрдам бериш ва бир-биримизни тўғрилаш бизнинг мажбуриятимиз.  Биз биродармиз,  биз мужоҳидмиз,  биз бир жасадмиз ва бизнинг мақсадларимиз ҳам бирдир.

Аввало ўзимни таништирсам.  Менинг исмим Холид Шишаний,  мен Нохчийчоданман.  Икки йилдан ошиқ вақтдан буён Шомдаги жиҳоддаман.  2012 йилнинг охирида Нохчийчодан келдим.  Бунга қадар мен икки йил давомида ўрмондаги мужоҳидлар сафига қўшилиш учун йўл изладим.  Аммо йўл топа олмадим,  албатта бу Аллоҳнинг хоҳишидир.  Нима бўлганда ҳам Аллоҳга ҳамдлар бўлсин.

Кейин биз бир қанча биродарлар билан гуруҳ туздик ва текисликда жиҳод бошлашга ҳаракат қилдик,  тайёрландик.  Аммо молиявий,  моддий имкониятларнинг мавжуд бўлмаганлиги туфайли бундан ҳам ҳеч нарса чиқмади.  Кейин  мен уйда ўтиргандан кўра бошқа ерда бўлсада жиҳод қилишга имкон бўлган жойга кетишим зарурлигига қарор қилдим ва мени келгусида нима кутаётганини билмаган ҳолда Аллоҳга таваккал қилиб Шомга жўнадим.

Аввалда мен Умар “Шишаний”нинг жамоатида бўлдим.  Шунингдек Сайфуллоҳ Шишаний (раҳимаҳуллоҳ) ва Салоҳиддин Шишанийлар ҳам у вақтда Умар билан бирга эдилар.  “Кавказ Иморати”нинг Шомдаги бўлими илк ташкил топган вақтда мен шу гуруҳда эдим.  Кейинчалик мени Сайфуллоҳ Шишанийнинг махсус гуруҳи (“Дамашқ гуруҳи”)га ўтказишди.  У вақтда Умарнинг жамоати “Катибатул-муҳожирин” деб аталарди.  Кейинчалик жамоат кенгайгач,  у “Жайшул-муҳожирин вал-ансор” деб номлана бошланди.

У вақтда ҳали “ИШИД” мавжуд эмас эди,  Ироқдаги “ИИД” бор эди.

Мен Умар билан ярим йил бирга бўлдим.

Қачонки “ИИД” Шомда ўзининг “давлатини” эълон қилганидан кейин биз,  яъни Умарнинг жамоати унга (“ИШИД”га) кирдик.  У ерда мен икки ойга яқин бўлдим.  Сўнгра мен Умар “Шишаний”нинг адолатсизлиги,  жиноятлари ва интизомсизлиги сабаб жамоатдан чиқиб кетдим.  Бундан бир оз вақт ўтиб,  2013-йилнинг ёзида Сайфуллоҳ Шишаний ўз гуруҳи билан бу жамоатдан чиқиб кетди ва мен Сайфуллоҳнинг жамоатига кирдим.  Шундан буён то 2014-йилнинг охиригача мен шу жамоатда бўлдим.

2013-йилнинг охирида,  Сайфуллоҳ ҳали хаётлигида,  бизнинг жамоатимиз “Жабҳат ан-Нусра” (“Шомдаги Ал-Қоида”)га кирди ва шундан бери Сайфуллоҳ Шишанийнинг жамоати — Жабҳат ан-Нусранинг бўлаги саналади.  Мен эса яқинда Сайфуллоҳнинг жамоатидан ва “Жабҳат ан-Нусра”дан чиқдим.  “Жабҳат ан-Нусра”да мен бир йилча бўлдим.  Ҳозир мен бирон жамоатга кирмаганман,  лекин “Жабҳат ан-Нусра”,  “Аҳроруш-Шом”,  “Жайшул-Муҳожирин вал-Ансор” ва бошқа жамоатлар билан ҳамкорликда ишлаяпман.

Ундан кейин.  Сен бу ердаги ҳолат ҳақидаги маълумотни бу ердан ватанга қайтиб бориб сизларга қўшилган кишиларнинг сўзларидан биласан.  Мен Оламларнинг Буюк Роббиси номи билан,  Ундан ўзга барҳақ илоҳ бўлмаган Зотнинг номи билан қасам ичиб айтаманки,  бу одамларнинг сенга айтиб берганлари – катта ёлғон ва туҳмат.  Мен у одамларнинг кимлигини билмайман,  лекин биламанки,  уларнинг сўзлари ёлғон.  Эҳтимол булар,  шунга ўхшаш шаръий масалаларда илмга эга бўлмаган содда,  таъсирчан,  самимий биродарлардир.  Шунингдек булар адолатсизликка ва ёлғон гапиришга мойил бўлиши ҳам мумкин.  Эҳтимол уларнинг қариндошлари,  қўшнилари ёки дўстлари “Давла”да бўлган ва уларга тарафкашлик қилган ҳолда фикр юритаётган биродарлар бўлиши ҳам мумкин.  Балки эҳтимол, булар,  “Давла”нинг сизларни ўз томонига оғдириш учун сизларга жўнатган агентларидир.  Барчага маълум ҳақиқат,  “Давла” бунга ўхшаш ёлловчи-агентларни Кавказга,  Яманга,  Афғонистонга ва Ливияга жўнатган.

Бу уч тоифадаги кишиларнинг қайси бири бу маълумотларни сенга етказган,  буни мен билмайман.  Аммо мен уларни мубоҳалага чақираман,  мен Аллоҳга дуо қилиб айтаманки,  агар мен ёлғон гапираётган бўлсам,  Аллоҳ мени шарманда қилсин ва менинг бўйнимни синдирсин,  бу дунёда кечиктирмасдан қаттиқ жазо билан жазоласин.  Агарда улар ёлғон гапираётган бўлсалар Аллоҳ уларни шарманда қилсин ва уларнинг бўйнини синдирсин,  бу дунёда кечиктирмасдан уларни қаттиқ жазо билан жазоласин.  Амин!

Эй амир …. . ,  улардан ҳам худди шу дуони қилишни талаб қил!  Улар ҳам сенинг ҳузурингда айни шу дуони қилсинлар!

ثُمَّ نَبْتَهِلْ فَنَجْعَل لَّعْنَتَ اللَّهِ عَلَى الْكَاذِبِينَ

(Оли Имрон сураси,  61-оят). 

Сўнгра.  Сен ўз мурожаатингда,  мужоҳидлар тўғрисида сенга ёлғон гапирган кишиларингдан эшитган “Жабҳат ан-Нусра”га қўйилган тўрт айбловни санаб ўтгансан.   Мен бу тўрт айбловни бирма-бир кўриб чиқиб,  “Жабҳат ан-Нусра”ни “ИД” билан солиштираман.

1. Биринчи айблов: Опа-сингилларимизни хорлаш айби

СубҳанАллоҳ!  “Жабҳат ан-Нусра”га қаратилган бунақанги катта туҳматни мен ҳали бирон кимдан эшитмаган эдим.  Ҳатто “Давланинг” ўзи ҳам бунга ўхшаган гапларни гапирмаган,  сенинг ўртоқларинг эса гапирди.  Уларнинг ҳолларига вой бўлсин!  Аллоҳга қасамки,  агар қайси бир жамоат ҳақиқатдан муслима опа-сингилларимизнинг биронтасига тажовуз қилса,  шахсан мен ва минглаб бошқа мужоҳидлар бу ишни қилган ҳар қандай кишини,  у ким бўлишидан қатъий назар,  ўз қўллари билан отиб ўлдиришган бўларди.

Аллоҳга қасамки,  бизнинг опа-сингилларимиз биз учун дунёдаги энг қадрли кишилардир,  мен ва Шомнинг бошқа мужоҳидлари Аллоҳ учун уларни қизғанамиз.  Муслима опа-сингилларимиз ўтирган кофирларнинг турмаларига ҳужум қилиб,  уларни қутқарган энг биринчи ва асосий жамоат бу “Жабҳат ан-Нусра”дир.  Хусусан,  амир Сайфуллоҳ Шишаний Ҳалабнинг марказий турмасига ҳужум қилган вақтда шаҳид бўлди.  Шунингдек,  асадчилардан тушган асирларни опа-сингилларимизга энг кўп алмаштирган жамоат ҳам “Жабҳат ан-Нусра” эканлиги ҳеч кимга сир эмас.

Энди эса “ИД”га қараймиз.  Улар ўз тарихи давомида шу пайтгача бирон маротаба Суриядаги турмаларга ҳужум қилишмади.  Улар биронта ҳам муслима опа-синглимизни озод қилишгани йўқ.  Яқинда улар бу борада ўзларини реклама қилишга қарор қилдилар ва асир бўлган урдунлик муртад учувчини,  Урдунда,  муртадлар қўлида асир бўлиб турган муслима опамизга алмаштирмоқчилигини айтишди.  Улар реклама қилишгандан сўнг бу муртадни ёқиб юборишди.  Бундан кейин эса яна бир оз вақт давомида,  фақатгина реклама учун,  алмашиш тўғрисида “музокаралар олиб боришди”.  Ундан кейин эса бу ифлос учувчи ёқилгани намойиш қилинган видеони интернетга чиқаришди.  Бунга жавобан қасос сифатида урдун муртадлари бу муслима опамизни ва қамоқдаги бошқа биродарларимизни қатл қилдилар.

Бундан ташқари,  айнан “ИД” Ҳалаб ва Дайр аз-Зур вилоятларида суриялик муслима опа-сингилларимизни “жория” сифатида оммавий асирга олишди.  Кейин эса уларни Ироққа олиб чиқиб кетишди ва у ерда сотишди.  Бу опа-сингилларимиз орасида Жабҳат ан-Нусра амирларидан бирининг туғишган синглиси ҳам бор эди.  Бу ишлари ҳақида ИШИДчиларнинг ўзлари кўп мақтанишди.  Уларнинг ичидан Жабҳат ан-Нусра ва Жайш ал-Муҳожирин вал-Ансордаги биродарлар билан ватсап орқали доимий  алоқада бўлганлари,  “Сизларнинг хотинларингиз ва опа-сингилларингизни асирга олиб,  чўри қилиб сотдик” деб мақтандилар.   “ИД”нинг “Шаръий қозилари” бу аёлларни муртадларнинг хотинлари деб айтишди,  аслида эса булар мужоҳидларнинг ва оддий мусулмонларнинг хотинлари эди.  Унинг устига улар орасида турмушга чиқмаган опа-сингилларимиз бўлган.  Лекин уларни ҳатто муртадларнинг хотинлари деб фараз қиладиган тақдиримизда ҳам,  шариат бўйича  муртадларнинг такфири уларнинг оилаларига қўлланмайди ва уларнинг оилаларини асирга олиб,  жория қилиш ҳаром.  Аллоҳнинг Шариатидан келиб чиқиб биз биламизки,  ҳатто муртадларнинг хотинларини ҳам чўри қилиш мумкин эмас.

Аммо давладаги “шаръийлар” бу билангина чегараланмади ва уларнинг назорати остида бўлмаган барча ерлар − дорул-куфр ва уларга байъат берганлардан ташқари,  бундай ерларда яшовчи аҳолининг барчаси — кофирлардир дедилар.  Ҳақиқатан,  бу ҳарурийлар (хаворижлар) ақидасидир.  Энди эса сен опа-сингилларимизга аслида ким тажовуз қилганлигини кўраяпсан.

Яна бу ёлғончилар 2014 йилнинг январида,  улар билан “Жабҳа Исломия” ўртасида жанг кетаётган бир вақтда (бу жанговар ҳаракатларнинг бошланиш сабабларини мен кейинчалик айтаман),  мужоҳидлар орасида ва интернетда,  “Жабҳа Исломия” жамоати муҳожир опа-сингилларимизни зўрлик билан ушлаб олди,  айримларини эса ҳатто номусига тегди деган ёлғон хабарларни тарқатди.  Биз бу хабарни эшитган вақтимизда қонимиз қайнаб кетди ва биз,  Сайфуллоҳ жамоати,  шунингдек “Жайш Ал-Муҳожирин вал-Ансор” ҳаммамиз биргаликда бу маълумотнинг ҳақиқийлигини текшириш учун йўл олдик.  Аввал биз бу хабарни тарқатган “Давла”даги кишиларнинг олдига бордик ва суриштирдик.  Улар ҳатто бизга гўё бу опа-сингилларимиз ўтирган турмаларнинг манзилларини ҳам беришди.  Эҳтимол улар бизларни бир йўла бу турмаларга ҳужум қилади ва бу билан бизни “Жабҳа Исломия”га қарши урушга тиқиб қўямиз деб ўйлашган бўлишса керак.  Лекин биз,  Аллоҳга ҳамдлар бўлсин,  бу каби маълумотларни текширишни талаб қиладиган  Шариатга мувофиқ иш тутдик.  Биз улар берган манзилларни қидириб бордик  ва бу турмаларни текшириб кўрдик,  “Жабҳа Исломия” мужоҳидларининг ўзлари бизларга бу турмаларни кўрсатишди ва биз опа-сингилларимиз уларда асира бўлмаганлигига ишонч ҳосил қилдик.

Қачонки биз “Давла”нинг бу ҳийла тўрига илинмасдан,  аксинча уни фош қилганимизда,  улар “асира бўлган ва номусига тажовуз қилингандан кейин эса қайтиб келган муслима”ни ўйлаб топишди.  Шундан сўнг,  биродарлар бу синглимизни излашга тушишди.  Лекин улар бу “муслима”ни топа олишмади,  лекин уни гўёки танийдиган ва унинг жойини биладиган бошқа бир муслимани топишди.  Бу мауслима “асирга тушган ва номусига тегилган муслима”нинг манзилини кўрсатиб юборганидан кейин биродарлар бу манзилга бориб ўша муслимани топишди.  Лекин у муслима бу гаплардан ҳайрон бўлди ва унга ҳеч ким тегинмаганлигини айтди.  Шундан сўнг биродарлар бу муслиманинг манзилини берган аёлнинг олдига қайтиб боришди.  Шунда у аёл айтдики:  “Демак агар унинг номусига тегишмаган бўлса,  бошқасининг номусига аниқ тегишган”.

Шундай қилиб,  “Давла” ўзининг “муслималарнинг асир қилиниши ҳақида” айтган гапларига ҳеч қандай далил топиб бера олмади.  Уларга қилинган тажовуз ҳақида эса умуман гапирмаса ҳам бўлади.

“Давла” ёлғон ва иғво тарқатишлик учун мана шундай жирканч тарзда ўз аёлларини ишга солади.  Буларнинг барчаси содда ёшларни ўз сафларига оғдириш,  мусулмонларни бошқа мужоҳидларга нисбатан қарши қўйиш ва жиҳодий гуруҳларни “Жабҳа Исломия” ва бошқа жамоатларнинг мужоҳидларига қарши уриштириш учун қилинган очиқ иғво бўлган.

2. Иккинчи айблов: Ғаниматлар

“Жабҳат ан-Нусра” ўз мужоҳидларига ғаниматларни тарқатади.  “Жабҳат ан-Нусра” ўз мужоҳидларига нисбатан ғаниматлар хусусида адолатсизлик қилган бирон бир ҳолатни эслолмайман.  Бироқ,  биз Умар “Шишаний”нинг жамоатида бўлганимизда,  унинг қўл остидаги амирлари,  “Жабҳат ан-Нусра” улар билан ҳамкорликда амалиётларда қатнашган бошқа гуруҳ мужоҳидларига ғаниматларни тақсимлашда уларга нисбатан адолатсизлик қилганлиги ҳақида гапиришган эди.  Аммо биринчидан,  бу гапни айтганларнинг ўзини мен шахсан адолатсиз одамлар сифатида,  айримларини эса безбет ёлғончи сифатида танийман.  Иккинчидан,  айнан шу ёлғончилар,  шунингдек “Жабҳат ан-Нусра”да бўлган айрим адолатсиз амирлар “ИШИД”га ўтиб кетганлигига анча вақт бўлди.  “Жабҳат ан-Нусра”ни устидан ифлосликлар қуювчи бу вайсақи ва ёлғончилар бизнинг еримиздан кетганидан буён мен бирон марта ғаниматлар хусусида “Жабҳат ан-Нусра” томонидан адолатсизлик қилинганлиги ҳақида эшитмадим.

Умар “Шишаний”га келадиган бўлсак,  ўз нафарларига ғаниматларни тарқатмаган айнан унинг ўзидир.  На бирон ўқ,  на бирон лира (сурия пул бирлиги).  Бу ҳолат шундайлигича токи бундан кейин “ИШИД”да унинг амири Абу Бакр Ал-Бағдодий унга ғаниматларни тарқатишни буюрмагунига қадар давом этган.  Чунки кўпчилик мужоҳидлар бундан жуда норози бўлганлар ва бу туфайли кўпчилик ИШИДдан кетиб қолишининг катта хавфи бор эди.

3. Учинчи айблов: Динга амал қилмаслик

“Жабҳат ан-Нусра” — бу Шомдаги жиҳодда машҳур бўлган биринчи энг катта салафий жамоатдир.  Аввалида у “Ал-Қоида” раҳбариятининг буйруғи билан махфий тузилган бўлишига қарамасдан,  аввал бошдан ал-қоиданинг булоғидан сув ичиши билан танилиб қолган эди.  Шунга мувофиқ бу жамоатнинг асосини салафий йўналишдаги анчайин тўғри ақидага ва жиҳодий руҳга эга бўлган,  ҳамда Аллоҳга,  Унинг Расули ﷺга ва Унинг йўлидаги жиҳодга муҳаббат қўйган ёшлар ташкил қилади.  Шомдаги ушбу давом этаётган жиҳодда кофирларга қарши таққослаб бўлмайдиган даражадаги энг кўп истишҳодия амалиётлар ҳам айнан “Жабҳат ан-Нусра” мужоҳидлари томонидан амалга оширилган (Бундай амалиётларни қилиш учун инсондан жуда катта иймон талаб қилинади.  Ўз азиз жонини Роббисининг розилиги йўлида фидо қилиш ахир ҳар кимнинг ҳам қўлидан келавермайди).  Шундай экан “Жабҳат ан-Нусра”  мужоҳидларини иймони заиф ва динга унчалик мултазим эмас деб айблашлик,  энг камида ақлсизликдир.

4. Тўртинчи айблов: Шариат ўрнатишга бўлган интилишнинг йўқлиги

Биринчидан,  кўпчилик ака-ука ва опа-сингилларимиз Шариат нималиги ҳақидаги тушунчага эга эмаслар.  Кўпчиликнинг ўйлашича,  Шариат — бу фақатгина жазоларни ижро этиш,  ўғриларнинг қўлини кесиш ва ҳоказо.  Аслида эса Шариат бу — шахсий ҳаётимизда бўлгани каби жамоавий ҳаётимизни ҳам ҳар томонлама,  барча жиҳатдан қамраб олувчи тизимдир.  Мисол учун,  уруш ва очарчилик вақтида ўғриларнинг қўлини кесмасликнинг ўзи  ҳам Шариат ҳисобланади.

Иккинчидан,  ҳокими,  амири бўлмаган фақатгина қисман назорат қилинадиган   ҳудудларда ҳеч ким тўлиқ шаръий бошқарувни ўрната олмайди.  Шунингдек бу ҳудуд аҳолисини ҳимоя ва хавфсизлик билан таъминлаш зарур.  Бугунги кунда Шомдаги мужоҳидлар буни таъминлашга қодир эмас.  Барча кучлар кофирларга қарши жанг қилишга кетади.  Шу сабаб мужоҳидларни тоқати етмайдиган иш юзасидан айблашга ҳеч кимнинг ҳақи йўқ.

Шундай бўлсада,  “Жабҳат ан-Нусра” ўз назорати остидаги ҳудудларда шаръий маҳкамани ўрнатди.  Барча ички ва ташқи ихтилофлар шаръий маҳкамалар орқали ҳал қилинади.  Шаръий маҳкамадан бош тортувчиларга қарши куч ишлатилади.  Шунингдек тинч аҳолини давъат қилиш ҳам йўлга қўйилган.  Болалар ва катталар учун исломий ўқув муассасалари очилган.  Аҳолига моддий ёрдам кўрсатилади,  озиқ-овқат маҳсулотлари тарқатилади.  Шунингдек “Жабҳат ан-Нусра” назорати остидаги ҳудудларда ўранмаган аёлларнинг ўзи йўқ,  сотувда маст қилувчи ичимликлар йўқ,  – бунинг барчаси бизга маълум,  аммо буни ёзишимнинг сабаби “ИШИД” “Жабҳат ан-Нусра”ни ақлга сиғмас ишларда айблайди ва агар улар сенга “Жабҳат ан-Нусра” назорати остидаги ҳудудларда наркотик моддалар,  маст қилувчи ичимликлар сотилади,  ҳар жойда мусиқа янграйди,  аёллар ярим яланғоч ҳолда юришади ва фоҳишахоналар очилган деган ёлғон гапларни айтган бўлишса мен ҳайрон қолмайман.

Ҳақиқатда эса “Жабҳат ан-Нусра” шаръий бошқарувни ўрнатишга интилмоқда ва бунда қўлидан келганча саъй-ҳаракатларини аямаяпти.   Аммо бир қишлоқда куфр қўшини жойлашган бўлса ва у ерда опа-сингилларимизга тажовуз қилаётган бир вақтнинг ўзида биз ёнидаги иккинчи қишлоқда исломий давлат қура олмаймиз.  Биз айнан мана шу шаръий мажбуриятимиз сабабли ўзимизда бўлган боримизни қолдириб Жиҳодга чиқдик.

Энди эса мен умид қиламанки,  сен “ИД” тарафдорларига уларнинг кўпинча сенга берадиган:  ““Жабҳат ан-Нусра” Шариат ўрнатган биргина қишлоқни бўлса ҳам бизга кўрсата оласанми?” деб берадиган бемаъни саволига жавоб топа оласан.  Фараз қилгин,  агар сизларга,  Кавказдаги мужоҳидларга:  “Сиз шариат ўрнатган ҳеч бўлмаганда бир қишлоқни бизга кўрсатинг! ” дейилса,  бу энг катта бемаънилик ва инсофсизлик бўлмайдими ахир?!  Мен нима демоқчилигимни тушунгансан деб ўйлайман.

Энди эса,  “ИД” ўзининг ҳудудларида қанақа шариат ўрнатганлиги ҳақида айтиб ўтмоқчиман.

“Давла”нинг “Шариати” ҳеч бир ҳолатда “Давла”нинг ўзига ва унинг аъзоларига нисбатан амал қилмайди.  “Давла”даги кўпчилик “мужоҳид”лар ўзларининг бўш вақтларини муслималар билан интернетда гаплашиш билан ўтказади.  Бир-бирларига хат ёзишади,  скайпдан гаплашишади,  бир-бирларига суратларини юборишади — бу эса катта гуноҳ.  “Халифалик лашкарлари” бу енгилтак саводсиз муслималар билан қиладиган ўз мулоқотларида,  уларни уйларидан қочишга,  бу “шерлар”га эрга тегишлик учун маҳрамсиз сафарга чиқишга чақирадилар.  Бунинг барчаси ҳаромдир.

Опа-сингилларимиз эса ўз эрларини ва яқинларини такфир қилиб,  бу одамларнинг олдига қочиб кетишмоқда.  Шу тариқа бу опа-сингилларимиз оммавий тарзда валийсиз  “эрга тегишаяпти”,  яъни ҳақиқатда эса зино қилишаяпти,  негаки валийсиз бўлган никоҳ ҳақиқий ҳисобланмайди.  “Давланинг” “шаръий қозилари” ҳам барча муслималарни айнан мана шундай қилишга,  яъни уларнинг “халифалигига” “ҳижрат қилишга” чақиришади.

Яна “Давланинг” “шариати” уларга мусулмонларнинг мулкини ўғирлашга рухсат беради.  Мужоҳидлар жамоатидан “ИД”га қочиб ўтган кўпчилик одамлар,  бу жамоатларнинг байтул-молларидан қурол ва бошқа мулкларни ўзлари билан ўғирлаб  кетишган.  Бироқ “ИД” уларнинг қўлларини чопмади.

Шунингдек “ИД” назорат қиладиган ҳудудда туркларга тегишли мақбара бор эди,  у ерда ширк ишлари қилинган.  Бу мақбара Туркиянинг муртад қўшини томонидан қўриқланган.  Бунинг барчаси “Давла”нинг ҳудудида,  уларнинг марказий вилояти Раққада эди.  Туркиянинг қўшинлари чегарадан то мақбарага қадар бўлган бу ҳудудда эркин ҳаракат қилиб юришган.  (Ҳозирги вақтда бу мақбара турклар томонидан кўчириб олиб кетилган,  чунки курд кофирлари “Давла”дан юзлаб қишлоқларни жанг билан тортиб олиб,  бу ҳудудга яқинлашган ва бу ерлар ҳозирда  жанговар ҳаракатлар ҳудуди. ) Шундай қилиб,  “Давла” ўзининг “халифалик” ҳудудида бу ширкка кўз юмган.  “Давла” бу ширк мақбарасини бузишни инкор қилганлиги учун “Давла”даги ягона нисбатан илмли бўлган киши Абу Умар ал-Қувайтий уларни такфир қилди ва шу сабаб Давла томонидан қатл қилиниб,  ғарб махсус хизматларига жосусликда айбланди.

“Давла”нинг “Шариати” уларга асадчилар билан ҳамкорликда “Жабҳат ан-Нусра”га ва бошқа мужоҳидлар гуруҳларига қарши амалиётлар қилишга рухсат беради.  Бундай амалиётлар Дайр аз-Зурда,  ал-Бабда,  Шайх Нажар минтақасида ва бир неча кун аввал Марада амалга оширилди.  Мужоҳидларнинг назоратида бўлган у ерлар аввалда асадчилар авиацияси томонидан бомбардимон қилинди,  кейин эса у ерларга Умар “Шишаний”нинг жангчилари ҳужумга киришди.  Булар мен билганларим холос.  “Давла” нафарларининг ўзлари асадчилар билан ҳамкорликда бизларга қарши амалиёт қилишларини тасдиқлашди,  улар яна бу билан ғурурланишади ҳам.   Улар буни қўйидагича изоҳлайдилар:  биз гўёки муртадлар эканмиз (аузубиллаҳ) ва биринчи навбатда муртадларга қарши жанг қилиш керак эмиш,  асадчи-мушриклар билан эса улар кейин ҳисоб қилишар экан.

“Давла”нинг “Шариати” уларга,  уларга байъат бермаган ва на уларнинг давлатини,  ундан ташқари на уларнинг “халифалигини” тан олмаган барча мужоҳидларнинг устидан такфир чиқаришга рухсат беради.  Уларнинг “Шариати” уларга,  ўн йиллардан буён Аллоҳ йўлида меҳнат қилаётган жиҳодий олимларни очиқча қоралашга,  сўкишга ва устига ифлосликлар ёғдиришга рухсат беради.  Улар яна ўзларининг расмий ахборот воситаларида Абу Муҳаммад Ал-Мақдисий ва Абу Қатода Ал-Фаластиний сингари жиҳодий олимларни тоғутларнинг жарчилари деб айтмоқдалар.

“Давла”нинг “Шариати” уларга асирдаги мужоҳиднинг намоз ўқишини таъқиқлашга рухсат беради.  Яна асирликдаги мужоҳидларнинг бошларини чопишга ҳам рухсат беради.

Эй менинг биродарим,  уларнинг қандай “шариат” ўрнатаётганини тушуниш учун мен уларнинг “шариати”дан мисоллар келтиришни давом эттиришим мумкин,  аммо менинг ўйлашимча шунинг ўзи етарли.  Аммо ҳақиқатнинг мағзини айтадиган бўлсак,  улар аслида шариат нималигини билмайдилар ҳам.  Шайх Абу Муҳаммад Ал-Мақдисий уларнинг бу ҳолатидан ажабланиб шундай деган эдилар:  Улар – ҳатто ўзлари шариатнинг алифбосини билмай туриб,  шариатни қандай қилиб ўрнатишмоқчи?!

*****

Энди эса мужоҳидларнинг “ИШИД”га қарши бошлаган жанговар ҳаракатларининг сабабларини айтиб бераман.

Бу урушни “ИШИД”нинг ўзи қўзғади.  Аниқроғи,  “ИШИД” уни бошлади,  аммо уруш аввалида бир томонлама эди ва кенг қамров эмас эди.

Аввал улар шаръий талабларнинг биронтасига амал қилмаган ҳолда Шомда “давлат” эълон қилишди.

Эслатиб ўтаман,  Шариат бўйича бирон бир ҳудудда давлат/иморат эълон қилиш учун мазкур ҳудуднинг барча ёки нуфузли кишилари шўрога чақирилиши лозим.  Булар асосан амирлар ва олимлардир.  Кейин эса бу кенгаш амирни сайлайди ва бу давлатни эълон қилади.  Бу — лозим бўлган шаръий талабларнинг биттаси ва у бажарилмаса давлат қонуний саналмайди.     Худди намоз сингари-ки,  унинг талаблари риоя қилинмас экан ҳақиқий саналмайди.

Шунга мувофиқ “ИШИД” шариат бўйича аввал бошиданоқ ноқонуний ташкилот ҳисобланади.

Кейин улар ўзларининг амири Айман Аз-Завоҳирийга бўйин товлаб,  “Ал-Қоида”нинг итоатидан чиқдилар ва қолган барча мужоҳидларни ўзларига эргашишликка чақирдилар ва шу вақтда фитна борган сари кучая бошлади.  Улар ўз жангчиларига “уларнинг “давлатидан” ташқари,  Шомдаги барча жамоатлар ҳақиқий эмас ва бу жамоатларнинг барча моллари “давлага” тегишли деб эълон қилдилар.  Улар “Жабҳат ан-Нусра”га тегишли бўлган мақорларга ҳужум қилиб,  уларни талон-тарож қилишни бошладилар.  “Жабҳат ан-Нусра”нинг раҳбарияти Айман Аз-Завоҳирийдан бўладиган буйруқни кутганлиги сабаб бу зулмга бирданига жавоб қилмади.  Шунингдек “ИШИД” томонидан қилинадиган талончиликка мужоҳидларнинг бошқа кўпгина жамоатлари ҳам дучор бўлишди.  Лекин қанчалик ажиб кўринмасин,  бу зулмларга етарли жавоб берилмади.   Шундан сўнг “Давла” ҳар хил жиҳодий гуруҳ амирларини ўғирлаб кетиб,  ҳеч бир айбсиз қатл қила бошлади.  Қачон жабрланган жамоатлар шаръий қазоватни талаб қилганларида “Давла” ҳар доим мағрурлик билан рад жавобини бериб келди.

Шунингдек,  “Жабҳат ан-Нусра”нинг жанг ва рибот майдонларига кетаётган карвонлари ва тинч аҳолига ёрдам бериш учун озиқ-овқат маҳсулотлари олиб кетаётган карвонлари “Давла”нинг ҳужум ва талончиликларига кўп маротаба дучор бўлди.

Шу ҳам камлик қилгандай,  “Давла” бир неча маротаба бошқа гуруҳ мужоҳидларининг амирлари билан муайян жойларда учрашишга келишишди ва бу учрашувларда гўёки “фидоий” амалиётлар қилиб,  амирларни ва оддий мужоҳидларнинг кўпчилигини қатл қилди.   Мана шундай қилиб “Давла” — мужоҳидларга қарши қўштирноқ ичидаги фидоийлик амалиётлари қиладиган Шомдаги ягона ташкилот.

Аммо Шомнинг мужоҳидларига ва оддий мусулмонларига қарши  “Давла”нинг қилган бу ва бошқа кўп сонли оғир жиноятларига қарамасдан,  жиноятлар жавобсиз қолаверди ва мужоҳидлар “Давла” жангчиларини ўзларининг биродарлари деб ҳисоблаб,  уларнинг қонини тўкишни хоҳламаганлигидан сабр қилиб келдилар.

Аммо “Давла” янада сурбетлик ва ўз ишидан мамнунлик билан Шомдаги мужоҳидларнинг ишларига халақит бериш ва бузишни давом эттирди.

Ниҳоят,  мужоҳидлар ва “ИШИД” ўртасидаги жанговар ҳаракатлар “Жабҳат ан-Нусра” ва бошқа гуруҳлар мужоҳидлари назорати остида бўлган Атариб шаҳри ва “46-ҳарбий қисм” ҳудудидан бошланди.

Воқеалар авж олишидан бир неча кун аввал “Давла”нинг киллерлари бошқа гуруҳлардан бирининг амирини ўғирлаб кетди,  кейинчалик унинг қатл қилинган жасади ўша минтақадаги йўл четидан топилди.  Кейин улар яна бир мусулмонни ўғирлаб кетиб,  у ҳақда ҳеч нарса билмасликларини маълум қилган вақтда уни “Давла” ўғирлаб кетганини кўрган ва буни тасдиқловчи гувоҳлар топилди.  Шундай қилиб,  “Давла”нинг айбини исботловчи рад қилиб бўлмайдиган далиллар пайдо бўлди.  Шундан кейин тинч мусулмонлар ҳам ғазабга келди.

Кейин эса “Давла” “Жабҳат ан-Нусра” ва бошқа гуруҳлар мужоҳидлари назоратидаги “46-ҳарбий қисм”даги (мақор)га ҳужум қилди.  “Давла” бир нечта тарафдан ҳужум қилди ва “46-ҳарбий қисм”ни қуршовга олди,  шунингдек Атариб шаҳрини ҳам қуршовга олишга уриниб кўрди.  Уларнинг мужоҳидларга қўйган шартлари жавобсиз қолгач,  улар яна бир бор ҳужум қилишга уриниб кўришди.  Сўнгра барча гуруҳларнинг “46-қисм”ни ташлаб чиқиши ва мақорни назоратсиз қолдириши тўғрисидаги келишувга эришилди ва ҳар доимгидек келишувни “Давла”дан ташқари ҳамма бажарди.  Аҳдга қарамай,  “Давла” фурсатдан фойдаланиб “46-қисм”га ҳужумни “Жабҳат ан-Нусра”нинг 7 нафар мужоҳидини қатл қилиш билан бошлади,  бошқа гуруҳларнинг жангчиларини қатл қилганлиги ҳақида гапирмаса ҳам бўлади.

Шунда бутун минтақа қўзғалди.  “Давла” Атариб шаҳрини оғир қуроллардан ўққа тутди,  “Нуриддин Зинкий” гуруҳининг назоратида бўлган Қубтан ал-Жабал қишлоғига ҳужум бошлади ва шунда “Давла”нинг гуруҳи билан “Жайш ал-Мужоҳидин” жамоатининг гуруҳларидан ҳисобланган “Нуриддин Зинкий” гуруҳи ўртасида жанг бошланди.  Чундан кейин кўпчилик сабабларга кўра “Аҳрор аш-Шом”дан бўлган биродарлар “Давла” гуруҳига қарши жангга чиқишди.  Кимлардир куни кеча “Давла” томонидан разилона ўлдирилган амир Абу Райённинг қасосини олиш учун,  кимлардир тортиб олинган Маскана шаҳрини қайтариб олиш учун,  кимлардир эса “46-қисм”даги мужоҳидларга ёрдам беришлик учун жангга отланди.  Хуллас,  давом этган анча зулм ва тажовузлардан сўнггина,   кўп жиҳодий гуруҳлар “Давла”дан ўзларининг поймол қилинган хақларини қайтариш учун жангга чиқди.

“Жабҳа Исломия”нинг гуруҳларидан бири бўлган “Лива ат-Тавҳид” “Давла”даги ўз одамларини асирликдан қутқариш учун жангга отланди ва улар ҳам бунга жавобан “Давла”нинг бир гуруҳ жангчиларини асирга олдилар.  “Давла” эса “Лива ат-Тавҳид”да ўзларига мансуб асирлар борлигини била туриб,  ўзларидаги “Лива ат-Тавҳид”га мансуб асирларни ўз асирларига алмаштириш ўрнига уларни қатл қилди.

Шундай қилиб,  ҳодисалар ривожи Атариб ва “46-қисм”дан бошланиб,  бошқа минтақаларга – Ҳама,  Идлиб,  Ҳалаб ва Раққагача ёйилди.  Шу орада “Давла” интернетда ўз жиноятларини бошқа мужоҳидларга тўнкаб,  “асадчиларга қарши риботда турган вақтимизда бизга “муртадлар” ҳужум қилди” деган ёлғон хабар тарқатди.  Бу сурбетларча қилинган очиқ ёлғон.  Бу ўтган воқеалардан ҳам маълумки,  “Давла”нинг Атарибга ва “46-қисм”га қилган ҳужуми айрим мужоҳидларнинг “Давла”га нисбатан бўлган сабр косасидаги охирги томчи бўлди.

Аммо “Жабҳат ан-Нусра” аввалгидек “Давла”га ҳужум қилиш уёқда турсин,  ҳатто унинг ҳужумларига жавоб ҳам қилмади.  Бунинг ўрнига “Давла” билан бошқа гуруҳлар ўртасида воситачилик қилиб келди.  “Давла”нинг кўплаб гуруҳлари мужоҳидлар томонидан ҳар томонлама қуршовга олинган вақтда айнан “Жабҳат ан-Нусра”нинг ҳимояси,  омонлиги ва кафолати остидагина қуршовдан чиқиб кетди.  Шунингдек “Жабҳат ан-Нусра” томонларни бетараф бўлган шаръий маҳкамага бир неча бор чақирган вақтда ҳар доим “Давла”дан ташқари  ҳамма гуруҳлар рози бўлишди.  Фақат “Давла”гина биз “давлатмиз” ва бизни ҳеч ким маҳкама қила олмайди деб жавоб бериб келди,  ёки бўлмаса Аллоҳнинг Шариатига зид бўлган бошқа бемаъни талабларни олдинга қўйиб маҳкамани инкор қилиб келди.

Кейин Суриянинг ғарбий қисмидаги “Давла”нинг кўпчилик гуруҳлари,  уларга қарши жанг қилишни хоҳламаган мужоҳидлардан олдиндан тортиб олинган Раққа ва Суриянинг шарқий қисмларига марказлаша бошлади.  Кейин у ердан туриб “Давла” бошқа мужоҳидларга қарши кенг кўламли ҳужумларни бошлади.  Ана шунда улар “Жабҳат ан-Нусра”ни очиқчасига такфир қилдилар.  Улар “Жабҳат ан-Нусра”нинг беш мужоҳидини асир қилиб,  уларнинг бошини кесди.  Шу вақтнинг ўзида улар “Жабҳат ан-Нусра”нинг ва бошқа гуруҳларнинг назорати остида бўлган Дайр аз-Зурга ҳужум қилди.  Бу вақтда Дайр аз-Зур даги “Жабҳат ан-Нусра”нинг кўпчилик мужоҳидлари асадчилар томонидан кўпдан буён қамалда ушлаб турилган ва қуршовда бўлган Хумсга ёрдамга кетган эдилар.  Интернетдан эса ёлғончи Абу Жиҳод Қорачойий гўёки уларга “Жабҳат ан-Нусра” ҳужум қилганлигини эълон қилди.  “Давла” ўзининг барча жиноятларини бизларнинг номимизга ёзиб келаяпти.  Аллоҳ эса барча ишнинг Гувоҳидир.

“Жабҳат ан-Нусра”га қарши қилинган бу тажовузлар давомида ва ҳозирги кунда ҳам “Давла” ўзининг худкушлари ёрдамида “Жабҳат ан-Нусра”нинг ўнлаб амирларини қатл қилди.

“Давла” Шомдаги бутун жиҳоди давомида бирон марта ҳам асадчилардан бирор бир шаҳарни тортиб олмаган.  Суриядаги улар назоратидаги барча шаҳарлар мужоҳидлардан тортиб олинган.  Бу ҳудудлар улар томонидан,  кўпчилик содда мужоҳидларнинг “Давла”га қарши жанг қилиш хоҳиши йўқлиги сабаб эгаллаб олинган.

Ундан кейин.  Умар “Шишаний” ва “Давла”даги бошқа одамлар сизларга алоқага чиқиб,   Кавказда давом этаётган фаолиятни қўллаб-қувватламоқчи бўлдилар.  Бу эса ўз таъсирини кенгайтириб,  Кавказда ҳам ўз тармоқларига эга бўлишдан бошқа нарса эмас эди.

Бизга яъни,  “Давла”дан ташқари ҳар ҳил жамоатлардаги кавказ мужоҳидларига келадиган бўлсак,  биз Кавказдаги янгиликларни кузатиб бораётганимизга,  Кавказдаги ишлар учун қанчалик қайғуришимизга ва биз сизларга қанчалик ёрдам бермоқчилигимизга Аллоҳ гувоҳ.  Шунингдек ҳақларингизга дуодамиз.

Энди эса қисқача “Давла”нинг “Халифалиги” тўғрисида.

На уларнинг “халифалиги” на уларнинг “халифаси” Аллоҳнинг хузурида ҳақиқий ҳисобланмайди. Халифаликнинг ва халифанинг ўз шаръий шартлари мавжуд.  Уларнинг айримларини санаб утаман.

Халифалик эълон қилишнинг шартлари:

— мусулмонларни ташқи тажовуздан ҳимоя қилувчи кучнинг мавжуд бўлиши!

— халифалик бу Уммат мусулмонлари тан олган нуфузли кишилар (аҳлул-ақд вал-ҳалл ) томонидан эълон қилинади!

Бу ерда мен томонимдан келтирилган шаръий шартларнинг на биринчисига ва на иккинчисига “Давланинг” “халифалиги” амал қилмаган.  Худди шунингдек дунёдаги мужоҳидларнинг бирон бир жамоати ҳам бугунги кунда бу шартларга амал қилишга қодир эмас.  Бизнинг бугундаги воқелигимиз мана шунақа.  Лекин биз Халифаликни пайғамбар услуби бўйича қайта тиклашимиз мумкин бўлган кунни яқинлаштириш учун ишлашимиз керак ва биз буни қилаяпмиз.

Халифанинг шартлари:

— Илм.  Халифа қилиб тайинланадиган киши олим бўлиши керак?

— Халифа қилиб тайинланадиган киши уммат орасида таниқли бўлиши керак?

— Халифа қилиб тайинланадиган киши уммат ичидаги нуфузли одам бўлиши керак?

— Халифа қилиб тайинланадиган киши қурайший бўлиши керак?

— Халифа қилиб тайинланадиган киши тақводор ва мултазим одам бўлиши керак?

— Халифа қилиб тайинланадиган киши бу Умматнинг нуфузли кишилари (аҳлул-ақд вал-ҳалл) томонидан танланган бўлиши керак?

Абу Бакр Бағдодий олим ҳисобланмайди.  Уни шаръий илмлар доктори дея “Давла” барчани алдамоқда.  Бизга маълумки,  у Ироқдаги суфий-ашъарий ақидасидаги университетда ўқиган ва уни битира олмаган.  У Қуръон тажвиди бўйича илмий иш (диссертация) топширган,  аммо уни оқлай олмаган.

Шунингдек у “халифа” деб эълон қилинишига қадар Умматга таниш бўлмаган.  Унинг таржимаи ҳоли хозиргача кўпчилик мусулмонларга номаълум бўлиб қолаяпти.

Абу Бакр Бағдодий Умматни бошқариш кучига эга эмас ва ҳаттоки Шом ёки Ироқ аҳолисига бирон нарса билан ҳам ёрдам бера олмайди,  Уммат ҳақида эса гапирмасак ҳам бўлади.

Абу Бакр Бағдодий қурайшлик ҳисобланмайди.  Унинг асл келиб чиқиши Расулуллоҳ ﷺ нинг авлодидан ҳисобланмайдиган ва қурайший бўлмаган Бадрий қавмидан.  У ҳаттоинки Бағдодий ҳам эмас,  негаки у Бағдоддан эмас.  У Ироқдаги Самарра ёки Самура шаҳридан.  “Давла”дагилар томонидан тақдим қилинган Абу Бакр Бағдодийнинг “насл насаби” эса — очиқ-ойдин тўқилган сохта нарсадир.  Унинг сохталигини кўриш учун дақиқ назар билан қараш шарт эмас.

Бу каззобнинг тақводорлиги ҳақида эса гап ҳам бўлиши мумкин эмас.

Табиийки,  у “ИШИД” жамоатидан ташқари ҳеч ким томонидан танланмаган.

Яна бу мавзунинг охирида эслатаман,  жиҳодий олимларнинг барчаси бир овоздан  “Давла”нинг “халифалиги” ва уларнинг Шомдаги давлати ҳақиқий эмаслиги тўғрисида иттифоқ қилганлар.  Уларни айблашликдаги ва аслини ошкор қилишликдаги олимларнинг фикри бирдир.  Жиҳодий олимларнинг кўпчилиги уларнинг хаворижлиги аввалги хаворижларникидан ҳам баттарроқ деб ҳисоблайди.  Хаворижларда мавжуд бўлган икки шарт ҳам уларда тўлиқ равишда бор,  булар:

1) Мусулмонларни такфир қилиши?

2) Мусулмонларга қарши жанг қилиши.

Сўнгра.  “Давла”нинг “Жабҳа Исломия”ни такфир қилиши ва кейинчалик эса “Жабҳат ан-Нусра” ҳам такфир қилиши ҳақида:

“Давла” аввалида “Жабҳа Исломия”га нисбатан махфий такфир чиқарар эди.  Улар ўртасида уруш бошланганидан кейин “Давла” уларни очиқча ва расмий такфир қилди.  “Давла” ўзининг қилган такфирига хаворижлар ақидасига хос бўлган −  ёпишмайдиган ва асоссиз “далиллар” келтиради.

Биринчи “далил”:  уларнинг айримлари узун мўйлов қўйиб,  соқолини қирадилар,  Суннат бўйича кийинмайдилар,  чекадилар.  — Буларнинг ҳеч қайси куфр амали ҳисобланмайди.

Иккинчи “далил”:  “Жабҳа Исломия”нинг айрим амирлари демократлар билан бир жойда ўтирганлиги акс этган суратлар мавжуд.  —  Кофирлар билан учрашиш ва улар билан музокаралар олиб бориш ёки бир кофир билан бошқа кофирларга қарши иттифоққа кириш куфр ҳисобланмайди.

“Давланинг” учинчи “далили” :  “Жабҳа Исломия”нинг айрим гуруҳларида шаҳодат калимаси ёзилган қора байроқлардан ташқари ўз байроқлари бор.  — Бу куфр эмас.  Ҳар бир мусулмон гуруҳлари ўзларини бошқа гуруҳлардан ажратиб турадиган хос байроқлар қилишига рухсат бор.  Саҳиҳ Суннатдан маълумки,  Расулуллоҳ – саҳобаларининг ҳар хил қабилалари ўз байроқ ва белгиларига эга бўлишган.  Мусулмонлар томонидан уйлаб топилган  ва куфр ёки ҳаром рамзлар иштирок этмаган байроқлар жоиздир.

Тўртинчи “далил”:  “Жабҳа Исломия” “Давла”нинг тажовузига жавобан қарши жангни бошлади.  — Бу “Давланинг” ақидаси бўйича “куфрдир”.  Яъни улар ўзларига қарши жанг қилувчи ҳар кимга нисбатан такфир чиқаришади.  Бироқ “Давла”нинг бу қароқчиларига қарши жанг қилиш нафақат куфр эмас,  балки улар ўзларини “ИШИД” деб эълон қилишларидан бошлаб вожиб ҳам бўлган,  аммо барча уларга юмшоқ ва яхши муносабатда бўлиб,  уларнинг зулму-тажовузларига узоқ сабр қилдилар.  Ҳаттоки агар “ИШИД”ни шаръий томондан қонуний давлат деб фараз қиладиган бўлсак ҳам,  унда исломий давлатга қарши ёки ҳатто ҳақиқий Халифага қарши жанг қилиш куфр ҳисобланмайди.  Шарти шуки,  бу жанг кофирларга қўшилиб ва уларнинг манфаатини кўзлаб қилинмаган бўлиши керак.

 “Давла”нинг “Жабҳат ан-Нусра”га нисбатан чиқарган такфири ҳақида гапирадиган бўлсак,  энди бу оддий ва қисқача.  “Жабҳат ан-Нусра” “Жабҳа Исломия”ни такфир қилмаганлиги учунгина улар “Жабҳат ан-Нусра”ни такфир қилишди.  Ўйлашимча,  ҳаммаси тушунарли.

“Давла”нинг расмий нотиғи Абу Муҳаммад Адноний “Давла”нинг номидан берган  расмий баёнотини ўқиган ёки эшитган одам учун бу нарсалар ҳеч ажабланарли эмас.  У ушбу баёнотда  Ал-Қоида тоғутларни такфир қилмайди деб Ал-Қоидани такфир қилди.  Бу эса шак-шубҳасиз Ал-Қоида учун туҳматдан бошқа нарса эмас.

Сўзимнинг охирини айрим демократик ва дунёвий гуруҳларнинг,  шунингдек айрим жамоатларнинг Шом жиҳодидаги ҳолатини қисқача эслатиш билан якунлайман.

“Жабҳат ан-Нусра” Жамол Маъруф бошчилигидаги катта босқинчи тўдани бир кун ичида йўқ қилди ва натижада Жамол Маъруф Суриядан Туркияга қочишга мажбур бўлди.  Шунингдек “Жабҳат ан-Нусра” “Ҳаракат Ҳазм” номли энг катта босқинчилар тўдасини бир кун ичида йўқ қилди (айтишларича,  “Ҳаракат Ҳазм” америка ҳомийлигидаги демократик гуруҳ бўлган,  бироқ бунинг саҳиҳлиги менга маълум эмас).  Бу ғалабалар учун Аллоҳга ҳамдлар бўлсин.

Агар демократик ва дунёвий гуруҳлар Аллоҳнинг динига бўйсунмасалар уларнинг ҳар бирини босқичма-босқич йўқ қилиш учун “Жабҳат ан-Нусра”да уларнинг рўйхати мавжуд.  Аммо ҳозирча бу гуруҳларга қарши кенг кўламли уруш олиб борилмаяпти,  чунки бугунги кунда мужоҳидларнинг улар билан умумий муштарак душмани мавжуд,  яъни — бутун дунё шиалари иттифоқи.  Чунингдек мужоҳидлар бугунги кунда бир вақтнинг ўзида ҳамма билан жанг қиладиган кучга эга эмас.

Ғарб Иттифоқининг “Жабҳат ан-Нусра”нинг мақорлари бўйлаб берган ракета ва авиа зарбалари натижасида бу жамоат кўп амирларини йўқотди.

“Аҳроруш-Шом” “Жабҳат ан-Нусра” билан ҳамкорликда дунёвий демократик гуруҳларга қарши жанг қилаяпти.

“Жайш Ал-Муҳожирин вал-Ансор” “Жабҳат Ансоруддин”нинг таркибига киради.

Яна шунингдек Муслим Шишанийнинг жамоати бор.

Худди шундай Абдул-Ҳаким Шишанийнинг жамоати бор.

Шомдаги бу ва бошқа барча жамоатлар фақат Аллоҳ йўлида ва фақатгина Аллоҳнинг Сўзини олий қилиш учун жанг қилаяптилар.  Кофирларга қарши бўладиган кўпчилик амалиётлар улар томонидан ҳамкорликда қилинади.  Уларнинг барчаси бир-бири билан Аллоҳ йўлидалиги учун дўстлашганлар ва эртами-кечми,  вақт-соати келганда бу жамоатларнинг барчаси бирлашиши лозим,  буни ҳамма тушинади ва бу йўналишда биргаликда ишлар қилинаяпти.

Барча жамоатларда,  хусусан рус тилида сўзлашувчи жамоатларда,  асосий муаммо шундаки,  мусулмонлар бу ердаги ҳолатдан хабардор бўлишлари учун интернетда лозим бўлган ахборот тарқатиш ишлари етарли йўлга қўйилмаган.  Кўпчилик жамоатларда низомий тартиб йўқ.

Бошқарув лавозимларида кўпчилик қобилиятсиз одамлар.

Бугунги кунда Шомдаги мужоҳидларга қарши жанг қилаётганлар:

— Шиалар иттифоқи:  улар асадчилар (Сурия армияси),  Ироқ ва Эроннинг махсус гуруҳлари,  Яманлик шиалар-хусийлар гуруҳи,  Афғонистонлик шиалар гуруҳи,  Ливаннинг “Ҳизбуллоҳ” шиалар тоифаси ва ҳоказолардан ташкил топган?

 — АҚЧ бошчилигидаги ғарбнинг ракетали-авиацион иттифоқи!

— «ИД»!

— Шунингдек Россия Асад режимига қурол ва ўз офицерлари билан ёрдам бераяпти.

Шу билан мен ўз мактубимни якунлайман.  Мен ҳали узоқ ёзишим мумкин эди,  аммо сени Шомдаги ҳолатдан воқиф қилиш учун етарли даражада тушунтирдим деб умид қиламан.  Мен сенга Аллоҳдан буюрилганидек тақво қилишни васият қиламан.  Қарор чиқаришда Аллоҳдан тақво қил!  Ҳақиқатдан сенинг елкангда катта масъулият турибди.  Ҳақиқий олимларнинг сўзларига қулоқ сол,  ахир ҳақиқатда,  улар Расулуллоҳ ﷺнинг меросхўрларидир.

َاسْأَلُوا أَهْلَ الذِّكْرِ إِنْ كُنْتُمْ لَا تَعْلَمُونَ

“Агар билмасангизлар зикр аҳлидан (олимлардан) сўрангизлар! ”

(Наҳл сураси,  43-оят). 

Аллоҳ сенга ва Кавказ мужоҳидларининг барчасига хақни ҳақ қилиб,  ботилни ботил қилиб кўрсатсин.  Аллоҳдан бизларни Ўзининг йўлида собитқадам қилишини сўрайман.  Аллоҳ бизларни барча залолатдан узоқлаштирсин.  Аллоҳдан бизга ғалабалар беришини сўрайман.

Охирида оламлар Роббиси бўлган Аллоҳга ҳамдлар бўлсин.
Ассалому алайкум ва раҳматуллоҳи ва баракатуҳ.

Ҳолид Шишаний