Эътибор беринг азизлар, кун сайин Каримов фақат текширувни ва зулмий бошқарувни тинимсиз кучайтирмоқда. Янги-янги фармонлар бераяпти, ва шу билан бирга халқни тафтиш қилиш масаласи ҳаддан зиёд юқори даражага етиб борди. Нега?

Давлатимизнинг бу кўринишдаги “ислоҳотлари” фонида эса, унинг содир бўлиши мумкин бўлган инқилобдан ҳадиксираши ётибди. Янги гуруҳлар, янги кучлар пайдо бўлмоқда. Давлат эса тинимсиз равишда элга қарши ўз кучини ва босимини оширишга мажбур бўлаяпти.

Бу кетишда давлат ҳам, унинг тизимлари ҳам холдан тойиш эҳтимоли юқоридир. Ҳукумат структураларининг бирозгина бўшаши одамларни бош кўтаришига олиб келиши ҳам мумкин.

Шундай экан, давлат халқ орасидаги мухолиф лидерлардан, ҳамда мухолифатга моддий кўмак бериши мумкин дея гумонланаётган бойлардан ҳам хадиксирайди. Бойлардан ҳадиксираши, уларнинг маблағи ва инқилоб учун таъминоти бўлади, қурол аслаҳа билан, керакли алоқаларни ўрнатиш билан фойдалидир улар. Лидерлар эса халқда шижоат уйғота олади ва уни ортидан эргаштиради. Бу билан қўзғолонлар уюштирилади. Давлатнинг мунтазам бойларга тинчлик бермаслиги, доимий назорат этиши, ҳамда лидерларни сўзсиз йўқ қилиши – бу давлатимизнинг ҳадиксираётганига яна бир исботдир.

Бекорга ўлкада тинмай халқ мол-мулки талон тарож этилмайди. Бунда қонун кучини ўрнатиш эмас, балки одамларни оч ва имконсиз бир ҳолатда ушлаб туриш учун амалга оширилади. Ҳукуматнинг ўзи қонун доирасида сиёсат юритмагани учун ҳам, биз мазкур тунаш ишларини қонунга йўя олмаймиз. Порахўрлик ҳамда коррупция юқори бўлган бу ўлкада қонун устуворлиги хақида сўз айтишнинг ўзи аслида беманиликдир.

Одамларнинг бойиши ортидан уларда албатта маълум миқдорда куч пайдо бўлади, камбағалда куч қайдан ҳам пайдо бўлсин? Уни кучи фақат пул топиш учун ишлатилади. Бойиган инсон эса энди юқорига қараб ўса бошлайди. Оқибатта ўз хақ-ҳуқуқлари поймол этилаётганини тушуниб етади ва уларни талаб қила бошлайди. Камбағалчи?

Камбагал эса кўнувчан бўлади, унинг на таниши ва на ижтимоий кучи бор. У қорин ғамида тинч пул топиш ва ундан айрилмаслиги учун ҳамма топташларга тайёр бўлади.

Мана, нима учун давлатимиз одамларни тинч яшагани қўймайди, мана нега одамларни аксарияти йўқчиликдан азият чекади. Бойлар эса доимий таланади ёки қамалади.

Халқни оч тутиш сабаби мана шундадир, яъни одамларни бошини кўтармасин. Бу билан улар ўз ғамларидан ортишмайди, сиёсатга эса аралашишлари у ёқда турсин, вақтлари ва хоҳишлари ҳам бўлмайди. Бу эса Каримов ҳукумати учун кони фойда! Одамлар қанча оч тутилса, Каримовнинг қўлига шунчалик маҳтал бўлиб қарашади.

Каримовнинг даври ҳам, ёши ҳам охирлаб қолиши муносабати билан бу ўтиш даврида инқилоб учун жуда қулай вазиятлар бўлиши кутилади. Мана шундай ҳолатларда албатта инқилоб чақириқлари бўлади, ана ўша имкониятлардан фойдаланиб қолишимиз шарт! Зеро кейин бундай имкон бўлмайди.

IYMON MUFASSAL