Ижтимоий сўров натижаларида Ўзбекистон ватандошлари дунëдаги энг баҳтиëр қавм сифатида қайд қилинади.

Кўплар бунга шубҳа қилади. Газ йўқ¸ чироқ йўқ¸ сал гапга қамалиб кетадиган мамлакат ватандошлари бахтиëр бўлиши мумкин эмас дейишади.

Мен ўша ўша сўров натижаларининг ҳақиқийлигига ишонаман.

1988 йили др. Якоб Таубе ўзбек эртакларини немисчага таржима қилиб Германияда китоб чиқарди.

Бу китобга расм чизиш вазифаси менга юкланди. Аснода ўнлаб эртак китобларини ўқиб чиқдим.

Эртаклардан бири бахтли одам ҳақида эди….

Қадим замонда бир подшохнинг боласи тузалмас касалга чалинибди.

Табиблар боланинг дардига узоқ вақт дармон топиша олмабди.

Алал-оқибат бир табиб “Бу бола бахтли одамнинг чопонини кийсагина тузалади” деб диагноз қўйибди.

Шотирлар бутун мамлакатни кезиб битта ҳам бахтли одам топа олмагач¸ подшоҳнинг ўзи оддий кийиниб, кўчама-кўча кеза бошлабди.

Подшоҳ юриб-юриб шаҳар чеккасидаги қийшайиб турган бир вайрона уй олдига бориб қолибди. Ичкаридан нон кавшаëтган одамнинг “Вой қандай бахтиëрман!” деган саси келибди.

Подшоҳ саройига қайтиб вайрона уйга шотирларини юбориб,”тез ўша бахтиëр кишининг кийимини келтиринг” деб буюрибди.

Шотирлар бориб вайрона ичига киришса бахтиëр одамнинг кийими йўқ экан

 Шуҳрат Бобожон
“Озодлик” радиоси ходими

Манба: babajanovs.blogspot.com.