O'zbekiston ERK Demokratik Partiyasi

Кимда бор?

Кимда бор?
121 views
18 July 2017 - 9:00

Ислом Холбой

Йиллар азоби
Тўқсонинчи йиллар шеърияти

Кимда бор?

Кимда бор, Фитратнинг фикрати бугун?
Кимда бор, Чўлпоннинг ўтли нафаси?
Адолат олдида шоирлар забун,
Адиблар ижоди – тузум қафаси.

Шўролар лофчиси Ғофур Ғулом ҳам,
Дурустроқ сўз айтган бугундан кўра.
Ниқобин ечмаган Абдулла Қаҳҳор,
Бўлолган ҳар ҳолда пайтида тўра.

Мустақиллик даври ижодкорлари –
Маддоҳлик қилишга ярамас ҳатто.
Ялтоқланишлардан ўтолмас нари,
Минбардан айтолмас, фикрин бехато.

Лутфийни замона тушида кўрар,
Навоий ҳақида сўз айтмоқ, уят.
Авлоний, Беҳбудий отилмаганда,
Бунчалар паст тушмас эди бу миллат.

* * *

(давоми бор)