O'zbekiston ERK Demokratik Partiyasi

Лола Каримова-Тиллаевани “диктаторнинг қизи” сифатида танишади.

Лола Каримова-Тиллаевани “диктаторнинг қизи” сифатида танишади.
25 views
28 September 2013 - 17:30

лолаОзодлик радиоси Лола Каримова-Тиллаеванинг Би-би-си Ўзбек хизматига ёзма равишда берган жавоби юзасидан таҳлил ўтказяпти.  Чиндан ҳам И.Каримовнинг кенжа қизи Би-би-сига  берган жавоблар жамоатчиликни ҳам иккига бўлди. Бир тараф Лола Каримова-Тиллаева опасига қараганда инсофли, у сиёсатдан йироқ, деб ҳисоблайди. Яна бир тараф эса Ўзбекистонда сайловлар ўтказилишига оз вақт қолганда Лола Каримова-Тиллаева ўзини ва оиласини сиёсатдан йироқлаштиряпти ёки бу ерда бошқа бир “сиёсат” бор, дейишади.

Озодлик мақоласида Ўзбекистон президенти қизларидан шу пайтга қадар ҳам маҳаллий¸ ҳам халқаро оммавий ахборот воситалари назарини ўзига турли йўллар билан жалб қилишга муваффақ бўлиб келаëтгани тўнғич қиз Гулнора эди, дейилади. 

 Ўзини бирда санъат ва маданият ҳомийси¸ яна бирда қўшиқчию шоира дизайнеру заргар¸ рассому олима¸ сиëсатчию сиëсатшунос¸ “бизнес леди” ва иқтисодчи¸ ниҳоятида футбол ишқибозию футбол “ҳаками” каби турфа ва хилма-хил мақомда кўрсатиб келаëтган Гулнора фонида президентнинг кенжа қизи Лола анча камтар эътиборга дохил бўлиб келди.

 Ҳозирга қадар Лола опасидан фарқли на шеър даъвоси ва на ашулачилик даъвосини¸ на Ҳарвардда ўқиган “интеллектуал” хоним даъвосию ва на ўзбек иқтисодини ўз чангалига олишга ўч бизнес леди даъвосини жамоатчиликка кўп ҳам кўрсатмади.

 

Лола Каримова Париж ва Женевада яшагани боис ўзбек жамоатчилиги кўзидан¸ ўзини сиëсатчи ва Ҳолливуд юлдузлари даврасига ҳадеб тиқиштиравермагани боис¸ Европа жамоатчилиги нигоҳидан узоқроқда қолиб келди.

 

Айни пайтда¸ Ўзбекистондаги каттаю кичик Лола номини мамлакатдаги монополист импортëр сифатида донг чиқарган Абу Саҳий деган ширкатнинг ўзига хос “синоним”и деб таниса¸ Ғарб уни отасини диктатор деган журналистни Париж судига тортиб¸ ундан 30 минг евро жарима ундирмоқчи бўлиб кулгуга қолган “диктаторнинг қизи” сифатида танийди.

 

2011 йилги бу маҳкамада ютқизганидан сўнг жимиб кетган Лола Каримова 2013 йил ëзида Ғарб жамоатчилиги диққатига АҚШдаги энг қиммат қасрлардан бирини сотиб олгани билан тушди. Ҳатто Америка бойлари ҳаëтини ëритувчи сариқ нашрлар ҳам “диктаторнинг қизи ақл бовар қилмайдиган 58 миллион долларлик қаср”ни харид қилди деб ëзди Лола ҳақида.

 

Бу Лолани Ғарбда кенг жамоатчилик оғзига туширган воқеалар бўлса¸ Озодлик манбаларининг таъкидича¸ унинг Европа терговчилари қизиқишини уйғотаëтган ишлари ҳам талайгина.

Хусусан¸ Женева ва Франциядаги қимматбаҳо уйлар¸ Швейцария банкларидаги хос ҳисоб рақамлари ва улардаги пулларнинг Ўзбекистон каби кичик бир мамлакат элчиси лавозимидаги шахсга қаердан ва қандай келгани жамоатчилик кўзидан панада иш кўрувчи прокуратура ва молиявий тергов тизимларини қизиқтириб қўйган. Ҳозирча расман тасдиқланмаган маълумотларга кўра¸ ана шу қизиқиш ортидан опасининг Швейцариядаги ҳисоблари каби¸ Лоланинг банк ҳисоблари ҳам музлатиб қўйилган.

 

Кенг жамоатчиликка тафсилотлари кўп ҳам маълум бўлмаган ана шундай бир вазиятда Лола Каримова-Тиллаева ўз тажрибасида кўрилмаган ишга қўл урди ва BBC Ўзбек хизматининг ëзма саволларига ëзма жавоб қайтарди.

 

Аслида Лола Каримованинг ўзи ëзган-ëзмагани ҳам аниқ бўлмаган ва афтидан ҳам сиëсий¸ ҳам ҳуқуқий консультантлар томонидан синчковлик билан тузилган бу жавобларда президентнинг кенжаси ўзини отаси сиëсатию опаси фаолиятига алоқаси йўқ одам сифатида тасвирлашга уринди.

Озодлик радиоси.