“Эрк Демократик партияси”

30 апрел 1990 йили Тошкентда ташқил топган тепадан буйруқ-қарорсиз фаол фуқароларни бирлаштирган, демократик ғояларни олға сурган Ўзбекистон Адлия Вазирлиги томонидан расмийлаштирилган мустақил Ўзбекистоннинг биринчи партиясидир..

У 3 сентябр 1991-йилда рҳйхатдан ўтказилган эди. КПСС аъзоларидан ташкил топган Халқ демократик партияси эса ундан кейин – ноябрь ойида рўйхатдан ўтди. 1994-йилда Сиёсий партиялар ҳақида қабул қилинган янги Қонунга мувофик , “ЭРК” демократик партияси рўйхатдан қайта ўта олмади. Унинг ўрнига тепадан моддий таъминланган ҚЎҒИРЧОҚ партиялар вужудга келди ва хозир фаолият кўрсатиб, парламент креслоларини эгаллашмоқда. Ўша пайтда “Эрк” партиясининг рахбари Муҳаммад Солиҳ ёзувчилар Уюшмасининг Котиби лавозимида ишлаган эди. У биринчи Президент сайловларида И.Каримовнинг ягона рақиби бўлган ва расмий баёнот бўйича 12,7 фоиз олган. Бу кўрсатгич, эндигина шаклланаётган партия учун, юқори кўрсатгич хисобланади. Шуниси қизиқ-ки радиода эълон қилинишича 33 % дейилди, кейин эса матбуотда 12,7 фоиз, деб ахборот берилди. Мустақил кузатувчиларнинг маълумотларига қараганда бу кўрсатгич 50% дан ошиқ бўлиши керак дейилган эди.

“Эрк” партияси рахбарлари ва аъзоларини билмай-нетмай “хоинлар” деяётган кўпчилик ёшлар билишмайди: “Мустақиллик Декларацияси” қонун лойиҳасини худди мана шу “ЭРК” партияси депутатлари таклиф қилишган. Аслида Сессиянинг кун тартибида бу масала бўлмаган ҳам. Сессия ўтказилишига икки кун қолганда “Эрк” депутатлари бу масалани кун тартибига киритишга муваффақ бўлганлар. Худди шу пайтда Ўзбекистон Компартияси иккинчи секретари А.С. Ефимов М. Горбачев билан телефонда маслаҳатлашиб турган… И. Каримов ҳам улар тарафида бўлган , аммо Сессия “Эрк”чилар гурухининг босими остида Декларацияни кабул килишга эришган. “Эрк”нинг депутатлари мамлакатимизнинг биринчи байроғини ҳам олиб келишган ва Сессияга тақдим қилишган . У байроқ ўзгача қизил рангда , ой ва юлдуз расми билан бўлган.”Мустақиллик Декларацияси” қабул қилинишида ҳам, ўзбек тилига давлат тили мақоми берилишида ҳам “Эрк” чиларнинг хизматлари катта.

“Эрк” партияси тез суръатларда ўсиб борган. Рўйҳатдан ўтган пайтда, яъни 1991-йил сентябр ойида партия аъзолари 4000 бўлган бўлса ( қонун бўйича 3000 кифоя эди) , 1993-йилда эса аъзолар сони 54.000 га етган! МАНА СИЗЛАРГА АЙТСАМ, ДИКТАТУРА ДАВРИ РАҲБАРИЯТИ ВА АМАЛДОРЛАРИ ВА ХОЗИРГИ СИЁСИЙ БИЛИМСИЗ БАЪЗИ ЁШЛАРИМИЗ ТОМОНИДАН “ХАЛҚ ДУШМАНЛАРИ” ДЕЯЁТГАНЛАРНИНГ СОНИ ҚАНЧА БЎЛГАН !!!

Муҳаммад Солиҳга давлат бошқарув тизимидан юқори лавозим таклиф қилинган , аммо у мухолифат сафларида қолишни афзал кўрган. Айтинг-чи қайси бир амалдор юқорироқ лавозим таклиф қилинганда бундай қила олади? Партиянинг V съезди 2003-йил октябрь ойида ўтган. Бу пайтга келиб партия аъзолари сони қанча бўлгани ҳақида, афсус , маълумот топа олмадим. Билганлар ёзишар.. Ушбу съездда , сургунда бўлишига қарамай , яна Муҳаммад Солиҳ партия рахбарлигига қайта сайланган. Муҳаммад Солиҳ уни олдин қамаб, кейин қамоқда ўлдиришга махфий буйруқ берилганини билиб қолганидан кейингина , мамлакатни тарк этишга мажбур бўлган.

Халқимизнинг ўзи ташкил қилган ҳақиқий демократик партияси “Эрк”нинг рахбари, атоқли ўзбек шоири МУҲАММАД СОЛИҲ 20 декабрда 70 ёшга тўлади. ТАБРИКЛАЙМИЗ! Умрингиз узоқ бўлсин, қайтиш Сизга насиб қилсин, ВАТАН СИЗНИ ҲАМОН КУТМОҚДА! “Халқимга хизмат – менга шараф!”, дегансиз доимо. Чарчаманг, соғ-омон бўлинг!

Муҳаммад Солиҳ : “Миллатим, кўзингни очишинг учун, Тайёрдир кўзини юмишга ўғлинг!”

Гулсара Шерметова

Манба: facebook.com