Каримов гўридан овоз: “Муҳаммад Солиҳдан қўрқиш эстафетасини сенга топширдим Шавкатбой!”

Eltuz.com учун чизган навбатдаги карикатурасида рассом Туз Шавкат Мирзиёевни Каримов қабридан эстафета таёқчасини олиб кетаётган тарзда акс эттиради.

«Каримовнинг вориси Шавкат Мирзиёев Муҳаммад Солиҳдан қўрқишни ҳам мерос олган кўринади», дейди у.

Ўзбек расмийлари ўтган ҳафта Самарқандга ташриф буюрган Туркия Президенти Ражаб Тоййиб Эрдўғон билан музокаралар чоғида Туркиядаги ўзбек мухолифати раҳбари Муҳаммад Солиҳни мамлакатдан чиқариб юборишни талаб қилишган.

Элтуз нашрига бу маълумотни етказган мажлис иштирокчисига кўра, Бош вазир ва Президент вазифасини бажарувчи Шавкат Мирзиёев пайшанба куни Тошкент шаҳар сайловчилари билан учрашув чоғида шу ҳақда маълум қилган.

Рассом Туз

Манба: Eltuz.com