2013 йил 16 март куни маҳаллий вақт билан соати 12-00 да Ўзбекистон “ЭРК” Демократик Партиясининг Наманган вилояти конференцияси бўлиб ўтди. Наманган вилояти конференциясига, “ЭРК” Демократик партиясининг Марказий Кенгаш аъзоси, ЎХҲнинг фаоли Фахриддин Тиллаев раҳбарлик қилди.

Конференцияда асосий учта масала кўрилди. “ЭРК” Демократик Партиясининг 6-Қурултойини ўтқазиш ва унга таёргарлик кўриш”. “ЭРК” партияси Наманган вилояти раҳбарини сайлаш”, “ЭРК” партияси котибини сайлаш” ва турли ҳил масалалар юзасидан муҳокама қилинди.

Муҳокама жуда қизғин ва самарали асосида олиб борилди. Баҳс ва мунозарада асосан, “ЭРК” партиясининг Тошкент шаҳрида келажакда бўлиб ўтадиган, 6-Қурултойида, партиянинг  “Дастур ва лойиҳаси”га қўшимчалар киритиш ва унинг бугунги муаммолар асосида бойитиб бориш ҳамда дастурни қайтадан кўриб чиқиш талаби қўйилди.

Бу таклиф ва талабларни ўрганиш ҳамда Республика миқёсида ишсизлик муаммоларини ечиш талаби юзасидан, “ЭРК” партиясининг бош котиби Oтаназар Oрифга таклифлар тақдим қилиш масаласи кўндаланг қилиб қўйилди.

“ЭРК” демократик партияси Наманган вилояти раҳбари этиб, Ғуломжон Xолматов сайланди.

“ЭРК” партияси Наманган вилоятининг конференция ишида партиянинг ишини ривожлантириш ва унинг аъзоларини кўпайтириш масаласи долзарб масала қилиб кўрсатилди. Наманган вилояти партиясининг таркибини ўзгартириш ва амалга ошириш юзасидан тегишли чоралар кўриш тавсия қилинди.

Шу ернинг ўзида Наманган вилоятида яшовчи фуқаролардан тушган,  “ЭРК” демократик партиясига аъзоликка қабул қилиш тўғрисида”ги аризалар қабул қилинди ва тегишли қарор ишлаб чиқилди. Конференция иш якунида партиянинг котиби сайланди…

Наманган вилояти “ЭРК” Демократик Партиясининг конференцияси ўз ишини якунлади.

“ЭРК” Демократик партияси Маркази кенгаш  

ЎХҲ Хабар маркази