Жорий йилнинг 16 мартидан Россияга мардикорликка кетган Иштихон туман Халқобод қишлоғида яшаган 1967 йилда туғилган Эшқобил Ниёзовнинг жасади 22 апрел куни Россиянинг Москва шахридан қишлоғига келтирилди ва қишлоқ қабристонига дафн қилинди.

Марҳумнинг қариндошларини айтишича, 22 апрел куни тонг саҳарда Самарқанд аэропортига қўнган учоқдан Эшқобил Ниёзов қўйилган тобутдан ташкари яна иккита тобут туширилган.

Ўша тобутдаги марҳумларнинг бири Булунгурлик, иккинчиси эса Қашқадарё вилоятидан экан.

Самарқанд аэропортида хизмат қиладиган ишончли бир манбанинг етказган маълумотига асосан, кейинги уч йилда Россиядан келтирилган тобутлар сони 2000 йил бошига нисбатан икки маротаба кўпайган.

Самарқанддаги мухбиримиз