O'zbekiston ERK Demokratik Partiyasi

Танишинг: Туркистонликлар Халқаро Ҳамкорлик Жамияти

Танишинг: Туркистонликлар Халқаро Ҳамкорлик Жамияти
34 views
30 July 2013 - 11:02

Ушбу жамият Истанбулда бундан бир неча ой аввал 20 ва 21 асрларда Туркистондан ҳижрат этган биродарларимиз тарафидан ташкил қилинган. Янги жамиятнинг ташкилланишида кўҳна Туркистоннинг барча ҳудудларидан вакиллар иштирок этдилар. Улар орасида ўзбеклар, Онадўли турклари,  қозоқлар, туркманлар, тожиклар, қирғизлар, уйғурлар, азорбойжонлар бор.DSC_0020-1-1

Янги жамият муборак рамазон ойида ўз сафдошларига ва мусулмон турк қавмларини тамсил қиладиган бошқа жамоатчилик ташкилотлари вакилларига бир ифтор берди. Ифтор Истанбулнинг энг қадим масканларидан Еминону мавқеида бўлиб ўтди. Унда 400 га яқин меҳмонлар иштирок этдилар

Ифтор кечаси Қуръони Карим тиловати билан бошланди. Шундан кейин оғизлар очилиб, шом намози жамоат ҳолида ўқилди. Меҳмонларга Онадўли туркларининг энг машҳур маржимак шўрваси ва ўзбек палови икром қилинди.

Туркистонликларнинг янги жамиятини танитадиган қисқа видеофильм намойиш қилинди. Шундан кейин янги жамият Раиси Бурҳон Қовунчи, Раис ўринбосари Др. Намоз Нормўмин ва Бошқарув ҳайъати аъзоси Олим Чатқоллар сўзга чиқиб, янги жамиятнинг вазифалари, Туркистонннинг тарихи ва Туркистонликларнинг ўзаро биродарликлари ва ҳамкорликлари ҳақида гапирдилар.DSC_0037-1-1

Ифтор кечаси Туркистонликлар ва дунё мусулмонларининг ҳаққига дуо қилиш билан якунланди.

ЎХҲ  сайти махсус мухбири

DSC_0029-1