O'zbekiston ERK Demokratik Partiyasi

Тошкент асираси

Тошкент асираси
163 views
04 March 2014 - 14:18

Toshkent-asirasiУкраина билан бўлиб сал бўлмаса Гулнора ҳам эсдан чиқиб кетибди.

Уни уриб¸ уриб қамаб қўйишганига ҳам 15 суткадан ошди.

Безорилар 15 суткага қамалар эди¸ балки қўйворишгандир ГК ни.

Бу аснода америкалик кинодраматург Karvuch Bric “Тошкент асираси” деган кинокомедия сценарийсини ëзишга киришгани маълум бўлди.

Тақдир тақозоси билан Karvuch Bric нинг АҚШдаги уйини супур сидир қиладиган аëл самарқандлик ўзбек қиз Бибинур экан.

Karvuch Bric нинг принтери тиқилиб қолиб¸ кинокомедия сценарийси ëзилган матнни ундан суғуриб оламан деганида йиритилиб кетгани боис кўп сирлар ошкор бўлди.

Karvuch Bric бир даста қоғозни принтердан зўр билан суғуриб хонага отиб юборди.

Албатта буни йиғиштириш Бибинурнинг зимасига тушди.

Бирдан!!!! (шу ўринда дахшатли музика янграйди) Бибинурнинг кўзи қоғозлардаги Гулнора ва Тошкент деган ëзувга тушади.

(Эслатиб қўямиз Бибинур ҳам ГК каби 41 ëшда¸Самарқандда эканида инглиз тили олимпиадаси ғолиби бўлган)

Бибинур ëзувчининг уйидан йиғиштирилган бир қўлтиқ қоғозни ўзи билан олиб кетди ва ахлатга ташламади.

Бу қоғозлар америкалик кинодраматург Karvuch Bric нинг янги ëзган киносценарийси эди.

Бибинур бу қоғозларни қўл телефонида бир бир расмга олиб Амстердамда яшайдиган Дурди деган Тошовузлик рассомга юборди….

(Бу ëғи тижорат сири)

Ҳуллас ҳали суратга олинмаган кино сценарийси қисқа вақт ичида саккизта одамга маълум бўлди.

(шулардан бири камина)

Муаллифлик ҳуқуқларини бузмаслик учун “Тошкент асираси” деган кинокомедиянинг фақат мазмунини гапириб берсак.

Воқеа 2014 йилнинг совуқ қишида Тошкентдаги уйнинг еттинчи қаватида содир бўлади.

Атроф совуқ ва зулмат. Бутун мамлакатда фақат мана шу уйдагина электр бор.

Воқеа қахрамони АҚШ фуқароси 15 яшар Имон исмли қиз.

Унинг онаси эса АҚШ фуқаросининг беваси Гулнора.

Кино қора маска кийганларнинг тепадан арқонларга осилиб тушиб 7 қаватдаги уй балкони орқали уйни ишғол қилгани акс этган дахшатли сахна билан бошланади.

Қора маска кийиган харбийлар кира солиб ҳаммани ура бошлайди.

Хонада Гулноранинг серсоч ўйнаши ва яна уч тўрт киши бор эди.

Қора маска кийган ва ўзини генерал Муин Тохирий деб таништирган харбий каравотда ухлаб АҚШ фуқароси 15 яшар Имонни сочидан судраб ўртага отиб юборади.

Шу пайт кино жанри қоидаларига кўра¸ бирдан катта планда сочлари яланғоч елкасини қоплаган она пайдо бўлади.

Она!!!!!

У Имон ҳимоясига чиққан эди. Кучлар тенг эмас. Лекин оналик инстинкти барибир ëвузликдн кучли.

У урғочи бўри каби ташланиб Тохирийниг бўйин томирини тишлаб узиб ташлайди.. Ҳамма ëқ қон.

Шу ерда кино тўхтайди.

“Стоп бошқадан бошлаймиз ахир бу драма эмас комедияку” дейди кино олаëтган режисер.

Кейинги версия қўшни аëл тилидан ҳикоя қилинади.

Бу қўшни аëлниг исми Ирода. Ўзбекистондаги қудратли вазирнинг собиқ хотини. У Гулнорага қўшни.

Камера олдида турган Ирода воқеани бутунлай бошқача ҳикоя қилади.

-Иккита харбий киши адлия қоидалaрига риоя қилган холда одоб билан келиб Гулноранинг уйини секин тақиллатишди. Сизни уйингизни тинтишга ва уйингиздаги гумондорларни вақтинча қамаб қўйишга ордер билан келдик. Сизда жим туриш ва Миранда ҳуқуқи бор дейди юввош харбийлар.

Ана шундан кейин эшик очилиб ярим яланғоч Гулнора подездга чиқиб келади.

Гулнора бу икки ўзбек зобитидан бирини тепиб йиқитади. Яна бирисини яъни Тохирийни елкасига ирғиб чиқиб бўйин томирини тишлаб узиб ташлайди.

Қон фонтан бўлиб отилади.

Бу аснода яна тепадан қора маскалиллар тушиб АҚШ фуқароси Имонни ухлаб ëтган ëридан охиста уйғотмоқчи бўлишади.

Гулнора эса бу маскалилар гуруҳини ҳаммасини тепиб ўлдириб ташлайди.

Гулноранинг вампирга ўҳшаган икки катта кўзи катта экранда.

Ҳамма ëқ қон..

Стоп. Яна бўлмади. Бу ахир комедия¸ дейди жиғибийрон киночи.

Учинчи вариантда Гулнора ўз уйида асирга олинади. Воқеалар эса “Кавказ асираси” комедиясига монанд ривожланади.

Кулгили воқеалар.

СНБ ходимлариниг Гулноранинг холодилнигидаги овқатларни очофотларча ейиши каби ичак узди сахналар билан кино давом этади.

Масалан улардан бири чироқни ўчириб ëқиб “Қаранг бу уйда электр бор экан” деб ҳайратланади.

Кинокомедияда Гулнора ўз қизи Имонни бағрига босиб асирликдан қочиши ҳам акс этган.

Аммо қувди қочди саҳналаридан кейин Гулнора яна асирликка қайтарилади.

Бўйнини бинт билан ўраб олган даҳшатли ва қасоскор СНБ генерали Тохирийнинг Гулнорани бетига шараақ этиб шапалоқ тортиш саҳнаси ўзинингг ҳаëтийлиги билан томошабинлар қалбида чуқур из қолдиради.

Фақат¸ лекин бироқ.

Кинони нима билан тамом бўлиши бизга маълум эмас.

Чунки уй йиғиштирувчи Бибинур тўплаган қоғозлар ичида финал саҳна акс этган матн йўқ эди.

Бу матн принтрнинг ичига тиқилиб қолгани тахмин қилинади.

Агар воқеалар “Кавказ асираси” киносидаги каби ривожланса бу асар суд саҳнаси билан тугаши керак.

Қахрамонлардан бири эса “Яшасин дунëдаги энг адолатли суд¸ ўзбек суди!!! дейиши ва чапак чалиши керак.

Бу репликани ким айтади. СНБ генерали Тохирийми¸ ëки Гулнорами¸ буни билмаймиз. Чунки матн принтрга тиқилиб қолган.

Аммо мухтарам ўқувчи сиз ғам еманг. Айни соатларда кинодраматург Karvuch Bric принтрни таъмирлаш учун устага қўнғироқ қилди.

Уста эса кинодраматург Karvuch Bricнинг уй қўнғироғини босиш учун қўлини куртаксининг чўнтагидан чиқарди ва бизга қараб кўзини қисди.

Устанинг исми Сардор. Асли урганчлик бу компютерчи йигит АҚШга грин кард ютиб бориб қолган.

Демак финал Сардорга боғлиқ.

Шуҳрат Бобожанов