УНИАН ахборот агентлигига таянган ҳолда qalampir.uz нашрининг ёзишича Украинанинг Запороже атом электр станцияси жанг майдонига айланган. АЭС ходимларининг УНИАНга маълум қилишича, станцияга Россия Миллий гвардиясининг Чеченистон бўлинмаси ҳарбийлари ҳужум қилган.

“Аниқ “қодировчилар. Улар ҳозир уни миналаштириб, бутун Европани шантаж қилади”, деган АЭС ходими.

Станция Матбуот котиби Андрей Тузга кўра, Россия ҳарбийлари Запороже АЭСнинг биринчи энергоблокига киришган.

АЭС ҳудудида ёнғин юзага келган. Ҳудудда жанглар бўлаётгани сабаб ўт ўчирувчилар алангани бартараф этолмаган.

“Запороже АЕСда ёнғин! Ўт ўчирувчилар алангаланиш жойига етиб боролмайди ва оқибатларини бартараф эта олмайди – улар аниқ ўқ узадилар”, деган Туз.

Унинг айтишича, ушбу қувват блоки тармоққа бир ҳафта аввал уланган, бир неча кун аввал эса режали таъмирлаш ҳолатига ўтказилган.

“Ядро ёқилғиси ядровий реактор ичида. Ҳали тушириб олинмаган. Бундан ташқари, марказий залда ядро ёқилғисини тўлдириш ва сақлаш ҳовузи мавжуд бўлиб, унда уран ва ядро ёқилғиси йиғиндилари ҳам мавжуд”, деган у герметик қопламага шикаст етиши мумкинлигини айтиб.

Туркия ОАВ берган хабарга кўра  Украина президенти Зеленский “Бу электр станция Чернобилдан ҳам катта. Электр станциясида портлаш содир бўлса, бутун Европа вайрон бўлади.” деган.

Дунё Россияни атом электр станциясидан узоқроқ туришга чақирмоқда.
Агар АЭСда портлаш содир бўлган тақдирда нафақат Қораденгиз ҳудуди, балки бутун Туркия ҳам зарар кўриши мумкинлиги айтилмоқда.
Туркияга қандай зарар етиши ҳақида гапирган Бунямин Сурмелига кўра: “Агар портлаш содир бўлса, нафақат бир минтақа, балки кўплаб минтақалар зарар кўради. Шамол бор экан, радиоактив зарралар қанчалик баланд бўлса, улар одамлар билан алоқа қилишдан шунчалик узоқроқ бўлади. Бироқ ер сатҳида олдинга силжиганда, ер билан алоқа қилиш осонроқ бўлади ва инсонлар нурланади. Эҳтимолий портлаш жойи Туркияга Чернобил фожиасига қараганда яқинроқ ҳудудда жойлашган. Бошқача айтганда, у нафақат Қора денгизда, балки Шарқда ҳам таъсир қилади. Бутун Туркия таъсир қилади. Ҳаракат қилиш керак”.