Мен, Малоҳат, ўзининг тарозиси-ла сизнинг хизматингизда.

Ассалому алайкум.

Аслида, мен Бобомурод Абдуллаевга қаратилган ўз видеочиқишларимда “факт-макт”ларни йиғиштириб қўйиб, бир ватандош, миллатдош, дўст сифатида ундан шунчаки ўпка-гина қилиб чиқиш қилгандим.

Бу одамнинг туҳматлар асосига қурилган уйдирмаларини оламу одамга овоза қилишдан ўзимни тийгандим, буни истамагандим, уни аягандим…

Аммо қарасам, у жуда ҳаддидан ошиб кетди.

У мени ўзига ухшатибди, туғрироғи ишорат билан, “команда” билан аккиллайдиган итга қиёс қилибди.

Яъни мен «Муҳаммад Солиҳнинг қистови билан» Бобомуродга қарши чиққан эмишман.

У буни шунақанги ишонч билан айтмоқдаки, бу ёлғонига нафақат ўзини, ўзгаларни ҳам ишонтирмоқда.

Ҳолбуки, мен Муҳаммад Солиҳга «Б. Абдуллага жавоб қайтарайлик» дея ўз фикримни баён қилганимда, « раҳмат, мен ҳимояга муҳтож эмасман. Истасам, ўзимни ҳимоялашга қурбим етади. Лекин менинг иймонсиз одамларга қарши энг яхши жавобим сукут. Бир кичик ёлғончи ва туҳматичини шарафлантирмоқ истмайман”», дея жавоб қилган ва мени тўхтатиб қолган эди.

Бироқ мен ўз одатимга кўра, ўз билганимдан қолмадим.

Чунки кимдир кимгадир туҳмат тошларини отаётганлигини кўрсам, бунинг аламини мен ўз танамда ҳис қиламан ва ҳақиқатга гувоҳ бўлган бир тирик жон сифатида содир бўлаётган ноҳақликка жим қараб тура олмайман.

Менинг табиатим шунақа.

Шу сабаб жим ўтираолмагандим.

Бир нарсани аниқ биламан, бу ёлгонларни Б.Абдулла ичи кин ва ҳасад тўла ҳолда тўқияпти. Унинг 1990 йиллардан келтирган “мисоллари” исм ва фимилиялардан бошқа келтирилган қўштирнок ичидаги “факт”лар юз фойиз, такрорлайман, юз фойиз ёлғон.

Бу ёлғонлар билан бугунги ёшларнигина алдаш мумкин.

Аммо улар ҳам 90-йиллар тарихни озгина кавлаштирса, Б.Абдулланинг энг виждонсиз кимса эканлигини кўради. Энг камида Мухаммад Солиҳнинг “Йўлнома” китобини варақласа, Б.А. нинг нақадар сохтакор эканлиги дарров аниқ бўлади.

Аммо хозир бу ҳақда гапирмаймамн. Мен хамир учидан патир сифатида Бобомуроднинг ўз “Факт ва Фикр”идан мендан интиқлик билан кутаётгани бир неча «контр факт» келтираман.Унинг кичик сохтакорликларини фош этувчи бир неча контр факт.

Бобомурод Абдулла ўзининг «Факт ва Фикр» кўрсатувининг 20 сонининг 12дақиқаси 15 секундида Нафосат Оллошукурованинг Хоразмлик шоир Маҳмуд Ражаб ва оиласи билан Тошкентга қилган пиёда юриши ҳақида гапирар экан, «Хоразмлик бу билоггер 2019 йил 23 июль куни пиёда юриш норозилик тадбирини ёритиб бориш чоғида шоир Маҳмуд Ражаб ва унинг яқинлари билан аввал 10 суткага хибсга олинган, кейин эса қамоқхонанинг бошқача тури бўлган руҳий касалликлар шифохонасига 3 ой муддатга мажбурлаб ётқизилган, яъни қамалган….» деган жумлаларни баён қилади…

Биринчи фикрда журналист ой номида адашганига гувоҳ бўлган томошабин кейинги фразада хатосини тўғрилаб кетар деб умид қилади.

Бироқ, нима учундир кучли ҳаяжон, бироз ҳадик ва бироз довдираш аломатлари сезилиб турган муаллиф бу кўрсатувида “22 июль, 23 июль, 24 июль” сўзини бир эмас, бир неча бор такрорлайди.

Бу дегани, Нафосат Оллашукурова хоразмлик шоир Маҳмуд Ражаб билан боғлиқ тадбирни 23 июль куни ёритган дея хато маълумотни такрор-такрор таъкидлайди.

Аслида Нафосат Оллашукурова ёритган мазкур тадбир 2019 йилнинг 23 июль куни эмас, 23 сентябрь куни бўлиб ўтган эди!..

Бобомурод нима сабабдан бунчалик ҳаяжон остида ойлар орасидаги катта тафоввутга йўл қўйди?

Майли, бунга хам кўз юмиш мумкин.

Ойнинг янглиш қўлланилиши у қадар ката аҳамият касб этмайди, мавзу моҳиятига катта таъсир кўрсатмайди ҳам дейлик, хатога “жуъзий хато” сифатида қараб, кўз ҳам юмайлик. Бироқ, менинг эътиборимни тортган энг муҳим жиҳат Бобомурод Абдулланинг мазкур кўрсатувини 15 чи дақиқасида;

Бобомурод Абдулла “Нафосат Оллошукуровани «Эрк» партияси лидери Муҳаммад Солиҳ айби билан жиннихонага ётқизилган” деган даъвони илгари суриб, бунинг далили сифатида бир скриншотни келтиради.

Бу фэйзбукнинг мессенжиридан Нафосат Оллашукуровага 2019 йилнинг 24 июль куни соат 12.44 да юборган биттагина «Салом» деган сўзини Муҳаммад Солиҳ номидан юборилган “хабар” деб урғулайди. Айнан шу битта суўз – хабар Нафосатнинг тентакхонага тиқилишига сабаб бўлганмуш.

Иддаога қаранг!

Шерлок Холмс бўлиб кет-а, Боб!

Гуё М.Солиҳ сингилчаси Нафосатойга “Салом” деб ёзганим заҳот сен жиннихонага кирасан”, деган. Ёки аксинча, М.Солиҳ ДХХ га “мен сингилчам Нафосатойга “Салом” деб ёзганим заҳот уни жиннихонага тиқасанлар”, деган бу битта “Салом” сўзи билан.

Офарин, ДХХ нинг қўлбола Шерлок Холмси!

Бироқ сен аянчли иддао билан туҳматингга мени ишонтира олмадинг.

Мен сенга «Мен ҳақиқатни ошкор қилгудек бўлсам, ниқобингни йиртиб ташлайман, ана ундан кейин озгина ҳамиятинг бўлса, ўзингни осиб қўясан» деган эдим-а?

Ниқобингни йиртиш учун сен факт сифатида келтираётганинг ўша Муҳаммад Солиҳ томонидан юборилганлигини иддао қилаётганинг скриншотга мурожаат қилиш ва уни диққат билан кўздан кечиришнинг ўзи кифоя.

Бобомурод Абдулланинг иддаосига кўра, у томонидан далил сифатида келтирилаётган ушбу скриншотдаги «Салом» хабари фейзбукнинг мессенжеридан Нафосат Аллоҳшукурова номига юборилган.

Бу номни эслаб қолинг: НАФОСАТ АЛЛОҲШУКУРОВА.

Мен фейзбук ижтимоий тармоғида, шунингдек, фейзбукнинг мессенжернида Нафосат Оллошукурова билан 2018 йилнинг март ойидан бошлаб мулоқот қилиб келган шахс сифатида шунга гувоҳлик бераман: Бобомурод Абдулла, ҳали кўрсатувинг бошида ўзинг таъкидлаб ўтганингдек, Нафосат Шабнам Оллоҳшукурова тахаллусида фаолият олиб борган ва шубҳасиз у сингилчамиз фейзбук ва фейзбукнинг мессенжерида Шабнам Оллоҳшукурова номи билан рўйхатдан ўтган.

Эътибор беринг, Шабнам Оллоҳшукурова!

Бобомурод, истасанг мен сенга сеники каби сохта скриншодни эмас, асл ҳақиқатни худи мана бу тарзда жонли ва ишонарли видеодалил сифатида келтиришим мумкин:

(фейзбук мессенжеридан Шабнам Оллоҳшукуровага оид видеотасвир келтирилади)

Тўғри, ўртада ўтган йиллар давомида унинг фақат суратлари алмашиб турган холос. Бироқ исм-шарифи ўзгармаган.

Ана энди ўзинг айтчи, Бобомурод, Нафосатой сингилчамиз фесбук ижтимоий тармоғида, фейзбук мессерженида “Шабнам Оллоҳшукурова” тахаллусида саҳифа юритиб келаётган бўлса, қандай қилиб Муҳаммад Солиҳ фейзбукнинг мессенжеридан унга Нафосат Аллоҳшукурова номига СМС хабар жўнатиши мумкин?

Ахир, Нафосатнинг «Нафосат Аллоҳшукурова» деган фейзбук саҳифаси ҳам, мессенжери ҳам йўқ ва умуман бўлмаган-ку!

Ҳар кандай ёлғоннинг МИСИ барибир бир кунмас бир кун чиқади.

Айниқса, у видеосюжет бўлса, алдовни осонгина аниқлаш мумкин бўлади.

Энди “қилни қирқ ёрадиган” Усмон Ҳақназарнинг мақолаларини хам Отанзара Орифов ва бошка оқил инсонлар сенга “диктовка” қилиб ёздиргани ишона бошладим. Аввал ишонмагандим. Ҳатто сен узинг Олмониядан интервю бериб, “Центразия” вебсахифасида “У.Ҳакназаров” тахаллуси билан босилган мақолаларнинг аксариятини Отаназар Орифовдан урганиб ёзганман” деганингга хам ишонмагандим. Энди хакикакатан хам бу мақолаларни сен ёзмаганингга ишондим.

Чунки ўша У.Ҳақнзараов бугунги Б.Абдулла ёзаётган мантиқсиз ёлғонларни ёзолмаган бўларди.

Бировга туҳмат қилаётганингда МИСИ чиқиб қолмаслиги учун пухтароқ ҳозирлик кўриб қўймайсанми?

Бу нима шармандалик?

Бир беайб инсонни бадном этиш, туҳмат қилиш шунчалар жўн, шунчалар осон деб ўйладингми?

Қинғир ишимнинг қийиғи чиқмайди деб хомтама бўлганмидинг?

Билиб қўй, жиноят ҳамиша ўзидан из қолдиради.

Чунки ҳақ ҳамиша ҲАҚнинг ҳимоясида бўлади!

Нафосатни нима учун тентакхонага ташлаганларининг асл сабабини Солиҳдан қидириш керак эмас. Бунинг сабабини Нафосатнинг ўз ҳаракатларидан ахтариш керак. Хўш, Ўзбек махсус хизматлари Нафосатни нега жиннихонага ташлади? Бу ҳақда кўрсатувим охирида фикр билдираман. Ҳозир…. Ҳозир эса, майли, сенинг Муҳаммад Солиҳни бадном қилиш мақсадида тўқиб чиқарган Скриншод ҳақидаги туҳматингга ҳам ҳам кўз юмаман-да, оммани Бобомурод Абдулланинг кечириб бўлмас навбатдаги шаримсорлиги билан таништираман:

(ДАВОМИ БОР)

Малоҳат ЭШОНҚУЛОВА