Баъзи майдагап юртдошлар Жаҳонгир Отажоновни кўриб айҳоннос солишяпти. Жаҳонгир акани уйига обончи шаллақилар бостириб кирганда ҳам ҳеч бўлмаса шундай айҳоннос солиб ҳақиқат излаганларида балки миллат ўлароқ бир-биримизни қадрлашни эплаган бўлардик, ҳеч бўлмаганда!

Қўшиқ айтадими, айтмайдими кимга зарари тегяпти? Аксинча, халқнинг манфаатлари яъни фойдаси учун ўзи зарарга қолиб бўлса ҳам жасорат кўрсатиб тўғри сўзни айтгани билан тарихда қолди.

Худдики Ўзбекистон ватандоши сифатида юрт учун нимадир қилиб, ёки Жаҳонгир Отажонов учун 1 сўм ошириб қўйгандай дод-вой қиласизлар. Халқимиз орасида юрган зиёли қатламнинг ҳеч бўлмаса ярми шу инсонга ўхшаб жасурлик кўрсатганда, ўз ҳақ-ҳуқуқларини ҳимоя қила олганда, ҳозиргидай абгор ҳолга тушиб қолган бўлмасдик. Қачон ҳар қандай воқеа юзасидан атрофлича фикр қилиб, инсоф билан мушоҳада қилишни ўрганамиз? Ўзимиз ўзимизни ислоҳ қилайлик, яхшилар!

Раҳмиддин АБРАЕВ