Уларнинг ҳаммаси залолатдадир. Улар кўрдир, сақовдир, кардир. Улар Солиҳга тош отмоқдалар.

Бунинг сабаби хасад ва кибр, уни кўролмаслик.Ёруғлик манбаини ўчириб,адолат истаб зулмат қаъридан озодлик сари интилаётган одамларнинг йўлини тўсиб чалғитиш. Хўш,Елена хиристиaнликдан воз кечиб исломга кирибди. Бунинг нимаси ёмон? Муҳаммад Солиҳга нима даxли бор? Қолаверса,амру маъруфни даъват қилиш ўзини мусулмон санаган ҳар бир инсонга фарз. Фарзни бажармаслик эса улкан гуноҳдир. Бу даъватни насоро ва яхудийлар ҳам ўз эътиқоди бўйича давом эттирaябди.

Айрим мусулмонларнинг ўз динини ташлаб хиристиянликни қабул қилаётганлиги сир эмас.Жумладан марҳума Санобар Шерматова.Хиристиян ананасига кўра дафин этилди.Исломни ёқтирмасангиз марҳамат истаган динингизни қабул қилинг, ихтиёр сизда. Ўзганинг ихтиёрига тажoвуз қилиб нима қиласиз?

Елена хақиқатни излади, курашди ва ниҳоят уни топди ҳам.Елена исломни қабул қилмаганда бу аҳволга тушмаган бўлариди, демоқчимисиз? Дахшатли режим аввал ҳам уни шу куйга солган. Аввалдан у режимнинг душмони эди.Биргалашиб курашиш учун Муҳаммад Солиҳга интилди.Солиҳ уни қабул қилди.Уммул муъминун исми билан Марям бўлиб Ватанга қайтди. Аввал у демократлиги билан ўзбек мухолифатига яқин бўлса, бугун у ер юзидаги бирярим миллиард мусулмонларнинг синглиси, опаси, онаси,дугонаси. Келажакда бизнинг қабрдошимиз… Аллоҳу акбар!!! Бундан ҳам яқинлик борми дунёда?!

БМТнинг қочқинлар идораси орқали Канадага келган бир юртдошимиздан мактабда ўқиётганда ўқитувчи сўраган экан: “Айтчи сен қайси динга эътиқод қиласан, мусулмонмисан?”—деб. “Йўқ, мен муслим эмас, демократман.”—деб жавоб берган экан у. Ваҳоланки чумчуқ “пиррр” этса юраги “шув” этадиган бу жаноб бизга қараганда системали беш вақт намозни адо этади.Суст мусулмондан чуст кофир афзалдир, деган халқ мақоли шундайларга айтилган бўлса керак.

Қисқаси, кураш давом этмоқда.Солиҳ билан зулмкор Каримов кураш майдонида. Атрофда саноқсиз мухлислар.Дахшатли аждарга маҳорат билан зарба бераётган курашчи Солиҳга ёрдам бериш ўрнига ҳа деб, уни чалиб йиқитишга уринаётган демократлар мақсадингизни айтинг! Нима қилмоқчисиз? Агар у кураш йўлини билмаётган бўлса ўрнига келинг, курашинг!
Кўрсатинг кучингизни, биргалашиб курашайлик зулмкорга қарши.
Кураш мадони очиқ ҳамма учун.

Сабру қаноатнинг занжирларин уз,
Бўйсинма иблисга бошингни кўтар!
Пўлатдек мустахкам сафларингни туз,
Олға бос, эй шаввоз қўрқма бас, етар!

Тонг отар, тонг отар бошингни кўтар,
Биз билан озодлик майдонига юр!
Қўзғол, тур биродар, бизни халқ кутар,
Сафларга етиб кел,гар бўлса ғурур.

Хақингни талаб қил, етилди фурсат,
Фирибгар золимлар йўқолсин,битсин!
Ўзбегим, жахонга ўзингни кўрсат,
Карнайлар нараси оламни тутсин!

Тоғбой Абдураззақов