Каримов ўлганидан кейин қонунга кўра 3 ой сенат раиси вақтинча президент бўлиб туриши керак эди. Мирзиëев 3 ой кутиб кейин сайловда қатнашиб президент бўлишни режалади.

Аммо Путин уни конституцияга қарши боришга ундади.

Мирзиëев конституцияни бузди. Буни Путин атайлаб қилдирди.

Чунки агар Мирзиëев Кремлнинг чизган чизиғидан юрмаса унга қарши путч уюштирилиш эхтимоли жиддий.

Эхтимолий путчистлар гўëки “конституцияни бузган шахсни бартараф” қилган бўлиб халқаро ҳамжамият олдида легал мақом касб қилади.

Халқаро қонунчилик ва Рим ҳуқуқига кўра Мирзиëев конституцияни бузиб иқтидорга келган узурпатор.

Айблов жиддий ва асосли. Бу айблов болтаси Мирзиëев устида осилиб турибди.

Путч уюштириши мумкин бўлган Шухрат Ғуломов Рашид Қодиров Отабек Муродов ва Итииëр Абдуллаев зарарсизлантирилди.

Аммо асосий вақт бомбаси беталофат турибди.

Бу Рустам Иноятов ва унинг мамлакатни қоплаган тўри.

Иноятов захирасида “водий” деган план бор.

Бу план амалга ошиши учун беш қадамдан иккитаси ëлланиб радикал диндорлар ичига сингдирилган штрейхбрейкерлар тарафидан амалга оширилган.(мактаб формаси рўмол ва соқол фитнаси)

Қолган учтаси (хозирча сир) кремл истаги билан амалга ошади. (Ë ошмайди)

Дааа. Мираманичга рахминг ҳам келади.

Ташқи қарз 25 миллиардга яқинлашди. Иқтисод ва молия тизимида буюк ўпирилиш бор. Сити Қалампир Лимон эчки каби авантюралар банк тизимини емириб ташлади. Ахоли қайтармаган кредитлар астрономик суммада.

ИИВ Прокуратура ва ДХХ шахсий таркиби деморализация бўлган. Улар биринчи раҳбарга нисбатан ғазабини очиқ баëн қила бошлаган.

Божххона ва бошқа тизимлар мамлакат кавказ (Рамзан) мафиясига очиқ талаш учун бериб қўйилгани ва наркотик контрабанда траффиги назоратини куëвлар қўлга олганидан норози.

(Муин Тохирий шу норозлик тўлқинида қамалди)

Махаллий криминал авторитетларга ўз пирогини кавказлик ўғрилар билан бўлишиш ëқмаяпти.

Ўрта бизнес чечен “акахонларга” ўлпон тўлашдан беза бошлади.

Дипломатлар ва ТИВ мулозимлари ва умуман барча ўрта қатлам амалдорлар Мирзиëев циркидан толиқиб чарчаган.

Ташқарига иш излаб кетиш Каримов давридагидан анча кўпайди.

Энг мухими Мирзиëев таянадиган аниқ ғоя мустақил куч ва платформа йўқ.

Биринчи октябрдан бошлаб 3 йилдан бери уни қўллаб келаëтган мухолифатдаги калит одам тескари фронтга ўтиб илк баëнотини ҳам очиқлаб улгурди.

Ижтимоий фикр графикасида Мирзиëевга ишонч индекси ўта пасайган. Айниқса совуқ тушиши билан газ ва электр етишмовчилиги боис халқ орасида биринчи шахсга нисбатан антипатия кучайиши кутилмоқда.

Аммо халқ норозилиги ккчикроқ (Хоразмдаги каби) қўзғалишлардан нарига ўтмайди.

Хуллас Ўзбекистонда нима бўлиши ва нима бўлмаслиги кремлга боғлиқлигича қолмоқда.

Ўзбекистон давлатчилиги сиëзий казинодаги қимор рулеткасига сиëсий ирода манбаи бўлмиш халқдан берухсат тикилган. Рулетка айланиб турибди.

Атабек Усманов
4 октябр. Москва