O'zbekiston ERK Demokratik Partiyasi

Эрдўғон: Менинг диним сунний ёки шиа эмас, исломдир!

Эрдўғон: Менинг диним сунний ёки шиа эмас, исломдир!
29 views
14 April 2016 - 20:52

Истанбулда 14-15 апрел кунлари давомида бўлиб ўтадиган Ислом ҳамдўстлиги Ташкилотининг (ИҲТ) 13 саммити ўз ишини бошлади. Тадбирда 56 мамлакат вакиллари қатнашмоқда, шулардан 33 таси давлатни  президенти ва бош вазирларидир.

Саммит очилишида Туркия давлат раҳбари Тойиб Эрдўғон сўзлар экан, бутун дунё мусулмонлари ҳал қилиши лозим бўлган муҳим масала, бу ички низоларни бартараф қилишга эътибор қаратиш эканлигини таъкидлади. “Ҳар доим таъкидлаганимдек, менинг диним сунний ҳам эмас, шиа ҳам эмас, менинг диним исломдир! Мен барча 1 миллиард 700 миллион қардошларим каби фақатгина бир мусулмонман. Бошқа барча нарсалар эътиқодим ва сифатимдан ташқаридадир.”

Истамбулдаги ушбу саммит “Адолат ва тинчлик йўлида бирлик ва ҳимжиҳатлик” шиори остида бўлиб ўтмоқда. Саммит арафасида Туркия ва Қозоғистон президентлари ҳамкорликдаги декларацияда ИҲТ давлатларини исломий муросани қўллаб-қувватлашни ва унга яқин йиллар мобайнида мусулмонлар учун янги сиёсий платформа сифатида қарашга чақиришди.

ИҲТ ижтимоий, иқтисодий ва сиёсий соҳаларда ислом ҳамжиҳатлигини таъминлаш учун 1969 йилнинг сентябр ойида ташкил қилинган. 2011 йилга қадар ташкилот Ислом конференцияси Ташкилоти номи остида фаолият юритган. ИҲТ 57 аъзо мамлакатдан иборат.

ЎХҲ хабарлар бўлими