2021 йилнинг 5 июнь куни оқшомида Ўзбекистон Эрк Демократик партиясининг uzer.org домаинидаги расмий сайти жойлашган серверга хакерлар ҳужуми уюштирилди.
Эрк партияси ушбу ҳужум ортида ўзбек махсус хизматлари турибди деб ҳисоблайди. Чунки айни шу куни, яъни 2021 йилнинг 5 июнь куни Эрк Демократик партиясига қарши ўзбек махсус хизматлари томонидан тузилган шаллақилар ва босқинчилар тўдаси ЭРК ДП Марказий Кенгаш аъзоси Бахтиёр Исобек хонадонига келиб моддий манфаат эвазига уни ўзлари томонга оғдириб олишга ҳаракат қилишганди.
Эрк ДП сайтига қилинган ҳужумни ўзбек ҳукумати томонидан мухолиф кучларга қарши уюштирилаётган турли хил фитналардан навбатдагиси дейиш мумкин.
Яқинлашиб келаётган сайловлар олдидан ўзбек ҳукуматининг ўз сиёсий рақибларига қарши куч ишлатар тизимлар воситасида уюштираётган фитналари ва босимлари тобора кучайиб бормоқда.
Шу йилнинг 7 июнь куни кечаси Эрк партияси котиби Бахтиёр Исобек ва партия Марказий Кенгаши аъзоси Саловат Умурзаковлар Ички ишлар бошқармасига чақиртирилиб сўроққа тутилган.
Ҳозирда Эрк партияси сайтини қайта ишга тушириш учун техник ходимлар иш олиб бормоқда. Эрк партияси маъмурияти юзага келган ноқулайлик туфайли ўз муштарийларидан узр сўрайди.
Ўзбекистон Эрк ДП матбуот бўлими
Мустақиллик декларацияси қабул қилинган кун
Каримберди Тўрамурод: Биз байрам қиладиган кунларга оз қолди
Шуҳрат Бобожон: “Бир рассом яшаган эди…”
МУҲАММАД СОЛИҲНИНГ 1989 йил 19 январда СССР ЁЗУВЧИЛАР УЮШМАСИ ПЛЕНУМИДАГИ НУТҚИ
Қирғиз президенти Ўзбек ёзувчиси китобини чиқарди – бунинг ортида қандай сабаблар турибди?