O'zbekiston ERK Demokratik Partiyasi

Ўзбекистон муслима аёллари номидан хитоб

Ўзбекистон муслима аёллари номидан хитоб
26 views
07 September 2013 - 12:53

getImage (9)Бугун биз Ўзбекистонлик зулм кўрган аёллар, ўзини мусулмонман деган, Муҳаммадга(сав) умматман деган инсонларга нидо қиламиз , хитоб қиламиз!!!

Аёл – ким у? У – она, мўътабар инсон, жуфту ҳалол, опа – сингил, асралиши, авайланиши вожиб бўлган ор-номус ва яна эр мўъминни гуноҳдан сақлаб турувчи қўрғон ва бошқа кўплаб энг олий сифатлар билан сифатласа бўладиган улуғ ва нозик хилқат. Хозирги кундаги аёлларчи?

Дини, ор – номуси, қадр – қиммати топталган, хорланган, ишлатиб бўлгандан кейин ташлаб юбориладиган кераксиз буюм бўлиб қолди. Аёлларни бу ахволга, бизларга бахтли ҳаётни ваъда қилган золим бўлган Каримов тузуми олиб келди. Хусусан Ўзбекистонда тузумни татбиқ қилаётган раҳбарият томонидан аёлларга бўлган тазийқ кундан кунга ортиб бормоқда, буни баъзи мисолларда кўришимиз мумкин: Қўқон хокимияти томонидан амалга ошираётган ишларга назар ташлайдиган бўлсак: Раҳбарият томонидан маълум бир гуруҳ тузилган бўлиб, улар: – хотин-қизлар қўмитасининг раисаси – махалла фуқаролар йиғини раиси – махалла фуқаролар йиғини ходимларидир.

Улар ўзлари билан суратга оладиган камералар билан уйма уй юришиб, уйларида тинчгина яшаётган аёллар тинчини бузиб, хар бир чақирилган хонадондаги аёлдан рўмол ўрамаслик, агар ўраётган бўлса уни ечиб ташлашлик хақида огоҳлантиришлар қилишиб, хатто баъзиларга рўмолларини ечдиришга мажбур қилган холлари ҳам бўлмоқда. Бозорлардаги холат эса, бу хақда интернетда гаплар аллақачон тарқалиб кетди, савдогар аёлларни бошларидаги рўмолларни тортиб олинган холатлари ҳам бўлди. Бу ишларга рози бўлмаганларни, бозорнинг ўзида, ҳеч қандай асоссиз, сотаётган молларини мусодара қилинган холлари ҳам бўлди.

Ўтган йили Тошкент бозорларида катта ўраниладиган рўмол сотганларни сотмасликка мажбурланган эди, бу йил мана Қўқонда ҳам “Сенга рўмол сотишга ким рухсат берди” – деб хақоратлар билан тақиқланаяпти.

Давлат ишхоналарида, мактаб, коллеж, боғча ва шунга ўхшаш давлат идораларида рўмолли келиб қолса ўша куннинг ўзида “ўз аризасига мувофиқ” ишдан бўшатилмоқда.

“Сен барибир муқаддассан, муқаддас аёл” – деб жар солаётган ҳукуматнинг аёлларни муқаддас тутиши шуми? Бундай холатга қандай келиб қолдик? Бу ниманинг оқибати?

Бунинг биринчи сабаби, албатта, бизларнинг эр мўъминларимиз золим тузумга рози бўлишиб аёлларини ҳимоя қилиш, қизғанишни мутлақо унутиб юборишди. Бунга яна энг катта ҳисса қўшган дин уламоларимизнинг аёллар тўғрисида чиқариб берган, шариатга хилоф фатволари ҳам бўлди, шундан кейин ҳукумат “мана дин олими айтди динда ундай эмас” деган баҳона билан аёлларни таҳқирлашга катта йўл очилди.

Бизлар муслима аёллар хатто қизларимизни кўчага бирон юмуш билан чиқаришга ҳам қўрқиб қолдик. Мусулмонларнинг ўз давлатлари бўлган даврларда, оддий аёлнинг сўзини мусулмонларнинг Халифаси тинглаган, унга муносиб Исломий муомала қилган, эр ҳимоя қилмаса давлат ўзи ҳимоя қилган, хозирчи таҳқирлашдан нарига ўтмаяпти.

Бугунги кун муслима аёлларига, ўша Халифаларнинг ўрни хар доимгидан ҳам кўпроқ билинди.

Эй Ислом уммати! Шуни билингларки биз эртага Қиёматда “Биз ожизалар эдик, бизларни эса ҳимоячиларимиз ҳимоя қилишмади, ҳимоя қилгувчи Халифани топишга харакат ҳам қилишмади” – деган таънани бутун дунё муслима аёллари номидан қабул қилиб олишга ўзларингизни қодир деб ўйлайсизларми? ﻳَﺎ ﺃَﻳُّﻬَﺎ ﺍﻟَّﺬِﻳﻦَ ﺁﻣَﻨُﻮﺍ ﻗُﻮﺍ ﺃَﻧْﻔُﺴَﻜُﻢْ ﻭَﺃَﻫْﻠِﻴﻜُﻢْ ﻧَﺎﺭًﺍ ﻭَﻗُﻮﺩُﻫَﺎ ﺍﻟﻨَّﺎﺱُ ﻭَﺍﻟْﺤِﺠَﺎﺭَﺓُ ﻋَﻠَﻴْﻬَﺎ ﻣَﻠَﺎﺋِﻜَﺔٌ ﻏِﻠَﺎﻅٌ ﺷِﺪَﺍﺩٌ ﻟَﺎ ﻳَﻌْﺼُﻮﻥَ ﺍﻟﻠَّﻪَ ﻣَﺎ ﺃَﻣَﺮَﻫُﻢْ ﻭَﻳَﻔْﻌَﻠُﻮﻥَ ﻣَﺎ ﻳُﺆْﻣَﺮُﻭﻥَ ﴿٦ ﴾ “Эй иймон келтирганлар! Ўзингизни ва аҳли аёлингизни ёқилғиси одамлару тошдан бўлган ўтдан (жаҳаннамдан) сақланг. Унинг тепасида қўпол, дарғазаб фаришталар бўлиб, улар Аллоҳнинг амрига исён қилмаслар ва нимага буюрилсалар, шуни қилурлар.”

Ўзбекистондаги муслима опа-сингилларингиз