Берлиндаги Техником университетининг бир гуруҳ германиялик психологлари ўлимдан сўнг ҳаёт мавжуд эканини исботлашди.

Сўнги тўрт йил давомида олимлар 944 та кўнгилли (талабгор) кишиларда тажриба ўтказишди. Улар наркотик модда истеъмол қилишиб, 20 минут клиник ўлим ҳолатига тушиб қолганлар. Дорига адреналин ва диметилтриптамин қўшилган бўлиб, у жасадни клиник ўлим вақтида жасадни яшаб қолишига ва зарарсиз соғлиги қайта тикланишига имконият беради.

Тажрибанинг жуда ҳам узоқ давом этиши юрак-ўпка реанимациясининг ривожланиши туфайлигина мумкин бўлади. Бу тур техникадан сўнгги йилларда ўлим олдидаги беморни уйғотиш зарур бўлган фавқулодда ҳолатларда фойдаланилади.

Бунга ўхшаш тадқиқотлар маълум, биринчи марта доктор Бертолд Акерман ва унинг жамоаси тана ва ақл ўртасида дуализмнинг очиқ формаси мавжуд, деб ҳисоблашмоқда.

Гуруҳ раҳбари Бертолд Акерман тажриба ўтказилганларнинг аксарияти руҳий кечинмани бошдан кечириб, танадан ажралган пайтда тинчлик ва роҳатни ҳис қилганлари ва ёруғлик (нур) ни кўрганларини тасдиқлайди. Синовлар натижалари ўлимдан сўнг ҳаёт борлигини кўрсатмоқда. Лекин кўпчилик тадқиқотчилар бу уринишларни одобдан ташқари ишлар сифатида таснифлаб, танқид қилмоқдалар.

Экспертлар ўзлариниг далиллари инсонларни шокка тушириб қўйишини билишларини ва турли мавзулар бўйича диний саволлар туғилаётганини тушинтиришмоқда. Ҳақиқатда, волонтёрлар турли хил динга эътиқод қилувчилар – христианлар, мусулмонлар, яҳудийлар, ҳиндуизм динига эътиқод қилувчи кишилар ёки умуман динсиз атеистлар бўлишган.

“Мен натижаларимиз кўпчилик инсонлар эътиқоди билан қарама қарши келишини биламан, нима бўлганда ҳам, биз шунчаки инсониятнинг энг катта саволларидан бирига жавоб бердик. Бу инсонлар бизни маъзур тутадилар, деган умиддаман. Ҳа, дарҳақиқат ўлимдан сўнг ҳаёт бор ва бу ҳаммага тааллуқли”, – деди доктор Акерман.

Манба: info.islom.uz