O'zbekiston ERK Demokratik Partiyasi

Ўлсам ҳам ўзбекнинг ёнини олиб ўламан!

Ўлсам ҳам ўзбекнинг ёнини олиб ўламан!
19 views
30 September 2013 - 13:26

   Озарбайжонликлар ва ўзбек йигит ўртасида жанг

revolution

Қуйидаги мактубни таҳририятимизга Украинадан юборишган. Мактубда у ердаги ўзбек йигит ва озарбайжонлик бир неча йигитлар ўртасида кечган воқеа тасвирланади.

Мен Закарпацкий области, Мукашево шаҳрида ўзбеклар очган кафеда ишлайман. Бизни кафемизга овқатланиш учун бир ўзбек йигит тез-тез келиб туради. Андижонлик.

Хуллас, у бир куни овқатланаётган эди, Озарбайжонлик йигитлар кирди ва “Сизлар шаверма қиляпсизларми, ўзбеклар қачон ўрганди?”, деб мазах қила бошладилар. Улар 3киши эди. Бу гаплар нафсониятига теккани учун у ўзбек йигит улар билан урушиб кетди.

Ўлмаган эканку ўзбек!

Калтак еган озарбайжон бир зумда бир гала миллатдошларини йиғиб келди. Уларнинг ҳаммасида шамшир, пичоқ ва шунга ўхшаш нарсалар бор эди. У ўзбек йигитга шерик эса мен ва кафени эгаси (у ҳам аёл киши) эдик. Бирданига унга ташланишди ва бир неча жойига пичоқ санчишди. Ўзбек йигитни қонга булаб кетишди. Доктор чақирдик, 7та жойини тикди. Кейинроқ озарбайжонларнинг каттаси келиб у йигитни кафега чақирди. “Нима ўзбеклар шунча зўр эканми? Нимага сен ўзбекман деб катта кетасан? Бу ерда ҳали бирор марта ўзбек ғиринг демаган”, деди. Нуриддин ҳам “Менга қаранг, ёшингиз катта, шунинг учун шу пайтгача индашмаган бўлса билмадим, аммо мен Ўзбекман! Бу ер Украина экан, дунёнинг нариги чеккасида ҳам ўзбекни пастга урдириб қўймайман, ўлсам ҳам ўзбекни ёнини олиб ўламан!”, деди.

Энди милиция устига милиция, ҳали у баҳона, ҳали бу баҳона текширишяпти.

Бу баҳона бу ёқдаги ўзбеклар бирлашди, ва ниҳоят. Энди Озарбайжонликлар яраша олмай ҳалак. Ўзбекларнинг ҳам катталари, амалдорлари бор экан, ён босишяпти”.

Фарида Мутталибова.