Ассалому алайкум

Четдан кузатиб турган киши сифатида бир икки таклифларим бор эди. Сўнгги вақтларда сизларга тошлар отилиши муносабати билан ўзларингиз билан ўзларингиз бўлиб қолдиларингиз. Албатта Каримовни ағдаришни мақсад қилиб олган ҳаракатга бу нарса унча мос эмас.
Мана 2012 йилдан бошлаб Каримов ҳукумати халқ учун янада жабрни оширмоқда.
Кўпчиликнинг ягона тирикчилик манбаи бўлиб қолган таксичилик қилишнинг тагига сув қўйишди, ҳозир Ўзбекистонда ҳамманинг оғзида шу гап бўлиб қолган.
Газ, чироқдаги узилишларни айтмай ҳам қўя қолайин.
Энди ҳатто уйингизни ижарага берсангиз ҳам солиққа тортиласиз.
Олтинга бўлган аксиз солиғи 10 фоизга кўтарилди.
Бошқа турдаги солиқларнинг 2012 йилдан бошлаб яна кўтарилиши халқни янада ночор ахволга солиб қўймоқда.
Мана шу мавзуларда кўпроқ чиқишлар қилсангиз ва чиқишларингизда фақат хабарчилик ёки сайтдаги муаллифларнинг фикрлари қайталанавермасдан, кучли иқтисодчиларнинг ҳам қарашларини бериб борсаларингиз.
Балки иқтисодчилар ўз номларини хавфсизлик нуқтаи назаридан ошкор қилмаса мақулроқ бўлиши мумкин.
Уларнинг маслаҳатларига таяниб агар бу ҳаракат ҳокимиятга келса мавжуд муаммоларни қандай ҳал қилган бўларди деган мавзуда кўпроқ чиқиш қилсаларингиз.
Яна четдаги мигрантларнинг муаммоларига ечимлар борасида ҳам бот бот ёзсаларингиз.
Ана шунда сизларнинг ҳаракатларингизга зиёли ёшлар томонидан кўпроқ эътибор бўлади.
Ҳаракатга асоссиз тош отаётганлар эса йўлда қолиб кетаверади.

Ҳурматлар билан Номсиз тарафдорингиз