O'zbekiston ERK Demokratik Partiyasi

ЎХҲ нинг фаол аъзоси Фаҳриддин Тиллаев Сурхондарё “матбуотида

ЎХҲ нинг фаол аъзоси Фаҳриддин Тиллаев Сурхондарё “матбуотида
149 views
16 December 2013 - 18:47

Мен кеча Сурхондарё вилоятида бўлиб қайтдим. У ерда мен кўп ижодкор инсонлар билан учрашдим, суҳбатлашдим ва қизиқ маълумотларга эга бўлдим. Шу суҳбат давомида мени бир нарса жуда ҳам, диққатимни ўзига тортди. ЎХҲнинг фаол аъзоси Фахриддин Тиллаевнинг устидан, Сурхондарё вилояти “ОАВ” орқали мағзава ағдариб, унинг эвазига Сурхондарё вилояти МҲҲ нинг бекаму-кўст ҳизматларини бажариб келаётган, ижодкор дўстларимизнинг борлигини билдим ва жуда ҳам афсусландим…

Бойсунлик Зар Собиров ва “Бойсун” рўзномасининг муҳбири, Жўрабекжон Рамазоновлар мана икки йилдирки, тинимсиз Фаҳриддин Тиллаев ҳақида Сурхондарё матбуоти орқали мақолалар чоп еттириб келмоқдалар. Бу инсонлар тўғрисида мен Фахриддин Тиллаев билан суҳбатлашганимдан сўнг билдим. У киши ҳам, менинг гапимни эшитиб, ёқаларини ушлаб, “Наҳоти”, “Тавба” деб қолдилар. Улардан бундай гаплар чиқишига ишонмаслиги. Хаттоки, Фаҳриддин Тиллаевнинг, “fahriddin71@mail.ru” электирон почтасига, ЎХҲ сайтига мақолалар юбориб турганликларини мендан яширмадилар ва у киши ЎХҲ нинг сайтларида уларнинг “Материаллари”ни юборганлигини айтдилар…
Ҳуллас, навбатдаги иғвога тўла мақола, 2013 йилнинг 23 октябр куни “Бойсун” газетасининг 28-сонида, “Пашшадан фил ясайди” номи билан чоп этилди. Мақола муаллифи эса, “К. Зоиров”. Бундай “шаҳс” ни ҳеч жойда учратмайсиз. Хаттоки, бундай одамни кундуз куни чироқ билан изласангиз ҳам тополмайсиз. Мақола “Сиз” билан бошланиб, охири “Сен” билан якун топган…
Маълумингизким, шу йилнинг июн ойида Фахриддин Тиллаевнинг “www.uzerk.org” сайтида, “Бойсунда исён” номли мақоласи чоп эттилган эди. Ушбу мақолада, “бойсунликлар истеъмол қиладиган сувдан қийналаётгани, Бойсунга қачон сув келтирилади? Бойсунликлар қуруқ ваъдалардан тўйиб кетдилар-ку ахир? Бош вазир Ш.Мирзияевга, “Бойсун тумани тўлиқ сув билан таъминланган” деб ёлғон ҳисобот берилгани, туманни сув билан таъминлаш учун, ажратилган маблағлар ўзлаштириб юборилгани… ” каби долзарб масалалар кўтарилган эди. Ушбу мақоладан кейин, муаллиф К.Зоировнинг: “тўғри сувни Бойсунга келтириш жуда қийин. Бу бойсунликларнинг азалий орзуси… Аммо. Сувсизликдан бойсунликлар ўлаётгани йўқ-ку?! Сариосиё ва Авлод қишлоғида яшовчи фуқаролар сув жўмракларини бурамасдан, кечаю-кундуз очиб қўйганликлари туфайли, шахарга сув келиши қийин кечмоқда. Бойсунда аҳоли сони йилдан-йил кўпаймоқда. Бунга мутасадди хокимят айбдор. Вазирлик Бойсунга сув келтириш учун, имзо чеккан бўлса, шуни интернетда кўтариб чиқиш шартмиди? Сиз гўзал Бойсунни обрўсини тўкиб, жахонда шарманда қилмоқдасиз… Сен нонкўрсан!” каби умумий гапларини учратиш мумкин…

Эслатиб ўтамиз, ЎХҲ нинг фаол аъзоси Фахриддин Тиллаев хақида, Сурхондарё вилоятининг бир нечта рўзномаларида, “Бойсунлик Авантюрист” номли мақола, 2012 йилнинг июн, июл ва август ойларида чоп этилди, хокимят ва маҳаллаларда муҳокама қилинди. Шу йилнинг 18-апрел куни эса, “Сурхон тонги” газетасида, “Васваса” номли мақола чоп қилинди. Қисқаси, Фахриддин Тиллаевга хамма томондан “зарба” берилмоқда. Шу фурсатдан фойдаланиб, укамиз Фахриддиннинг ижодига катта омад тилаб қоламиз.

 

Мансуржон Фозилжонов.