Ғулом Фатҳиддин

ҒУЛОМ ФАТҲИДДИН

Умр

Умр – Ҳақ тилсими, сирдир ўзгача,
Туғилишдан – қабр деган сўзгача;

Ўша илк бешикдан тобутга қадар, –
Ким яшар хон тахлид, кимдир – дарбадар.

Кимдир шу лаҳзани, афсус, кул қилар,
Кимдир, шу ларзани боқий гул қилар.

Кимдир шоҳ қилади унга сабрини,
Ким тавқи лаънатга кўмар қабрини.

Фақат боқийликка лойиқдир калом,
Ғулом, бизга етар, қолса, – яхши ном.

2001

* * * * *

СУЛАЙМОН ЛОЙИҚ

ХАЛҚ

Бир-бирини эзиб, бир-биридан безган халқ, –
Халқ эмас, бешак.
Бўрондан чўчиб, тиз чўкиб, тўзган халқ, –
Халқ эмас, бешак.
Ўз уйин ғорат қилдирган халқ, –
Халқ эмас, бешак.
Салтанат эшаги бўлган халқ, –
Халқ эмас, бешак.

1984

ҒУЛОМ ФАТҲИДДИН ТАРЖИМАСИ