2019 йил 21 сентябрда Eltuz.com редактори Қудрат Бобожон билан “келишиш”га уринилган эди.

Келишувни таклиф қилганлар энг аввало “Непотизм” ҳақидаги мақолани олиб ташлашни сўрашди.

Ўзбекистон куч ишлатар тизимларидан биридаги рахбар шахс ҳоким даражасидаги одамни элчи қилиб жўнатди.

Аммо Қудрат Бобожон ва унинг ака укалари бу келишувни бир овоздан рад қилишди.

“Непотизм” дохил барча мақолалар сайтда турибди.

Бундан олдин ҳукумат Eltuz.com ни хак қилиб бузиб ташлаш учун жуда катта миқдордаги давлат маблағини сарфлагани фош бўлган эди.

Шу кунда Eltuz.com Ўзбекистонда блок қилинган.

Eltuz.com сайти жамоаси сўз эркинлиги масаласида “кўрпа ости” ўйинлари ва ҳар хил “келишувларни” қоралайди.

Агар Тошкентда ҳоким қолсинми ëки мустақил матбуот деган танлов қўйилса¸ албатта мустақил матбуот деб айтамиз.

Шу кунларда давлат бошқаруви ва жамият жиноий унсурларнинг жундор қўлида асир бўлиб қолмоқда.

Бунинг баробарида “Мирзиëев заиф ва йўлсиз” раҳбар деган тасвир ўртага чиқмоқда.

Мирзиëев пайтида авж олган криминал дунë вакилларининг ҳокимият бошқарувига ўтиб кўча дунëси иллати бўлган “разборка”ларни давлат ҳуқуқ ва адлия тизимига параллел тизим қилиб ишлатаëтгани таназзул аломатидир.

Бундай параллел тизим бекор бўлиши учун мухолифат партиялари иштирокида ҳақиқий сайлов лозим. Президент эса фақат бир муддатга сайланиши керак.

Суд ва ижро ҳокимияти эркин бўлиши керак.

Миллат ва давлат манфаати шуни тақозо қилади. Ўғри қамоқда ўтириши керак. Унинг жойи ҳоким курсиси эмас.

Рассом Туз