Ўзбекистоннинг Қамчиқ довонида 4 май куни 5 кишининг ҳаётини олиб кетган кўчки содир бўлгани ҳақида маълумот берилган эди.  Ушбу маълумот расман Ўзбекисон Фавқулотда вазирлиги томонидан ва бошқа кўплаб ахборот агентликлари томонидан турлича ёритилди. Бугун ижтимоий тармоқларда ушбу аянчи воқеанинг суратлари тарқала бошлаган.

Эслатиб ўтамиз, Қамчиқ довонида содир бўлган кўчки оқибатида 5 киши ҳалок бўлган, 6 киши эса турли даражада жароҳат олган. Ўзбекистон Фавқулодда вазиятлар вазирлигининг махсус хабарига кўра, кўчки Қамчиқ довонининг Наманган вилояти Поп туманига доир қисмида 4 май куни маҳаллий вақт билан соат 14.00 атрофида содир бўлган эди.

Қамчиқ довони орқали Ўзбекистон аҳолисининг 1/3 қисми истиқомат қиладиган Фарғона водийсини мамлакатнинг қолган қимси билан боғловчи A-373 ягона автомагистраль ўтади. Стратегик аҳамиятга эга ушбу довон орқали кунига 10 — 15 минг автоулов қатнайди.

ЎХҲ хабарлар бўлими