«ВАЛФАЖР» КИТОБИДАН

ҚИШКИ ТУШ
             Эмин Усмонга

Қишлоқ бир жимликка юз тутган,
Йўқ бунда қарғанган қарғалар.
Биттаси қолибди юз тутдан,
Узоққа кетибди долғалар –
Жайҳун кўп узоққа кетибмиш,
Тутларни ўзига ияртиб,
Бу ерда қолгани етиммиш.
Алвон яллиғликда куяр тут,
Сўнгги қуш ковакда тўшар пар.
Бу қушнинг кўзи кўр , кўрмайди.
Сукунат. Бундаги ҳар шарпа
Ёдингга умрбод ўрнайди.

1980

(129)

Муҳаммад Солиҳнинг 2013 йилда Истанбулда чоп этилган “Вал-Фажр” китобидан. (83-саҳифа.)

(давоми бор)