Шу йилнинг май ойида сирли тарзда ғойиб бўлган “ЭРК” партияси аъзоси ҳамда Ўзбекистон Халқ Ҳаракати Андижон бўлими масъули Жамолиддин Абдураҳмоновнинг анчадан бери МХХ ертўласида қийноқларга тутилмоқда. Абдураҳмоновга қўйилаётган айблар нимадан иборатлиги номаълум, аммо шу нарса аниқки, Каримов режими ЎХҲ 2-Қурултойи олдидан Ҳаракатни руҳан синдириш амалиётларининг турли шаклларини ишга солмоқда, бу Ҳаракат аъзолари ва унга хайрихоҳларга қарши хуружлар, ўғирлаб кетиш ҳамда ваҳшиёна қийноқларга солишда намоён бўлмоқда.

Жамолиддин Абдураҳмонов “ЭРК” ва ЎХҲ нинг Андижон бўлими масъули, Андижон Университетида математика фанидан дарс бериб келган. Математика фанлари номзоди ва айни пайтда истеъдодли шоир Ж.Абдураҳмонов сиёсий фаолиятида Ўзбекистон мустақиллигининг меъмори бўлмиш “ЭРК” партиясига 90-йилларнинг бошидаёқ аъзо бўлган.
Ж.Абдураҳмонов 1990 йиллар сўнгида мухолифатга қарши бошланган қатағонлардан қочиб, Ўзбекистон ташқарисида бир-неча йил ишлаган. 2010 йилдаги ўзбекларга қарши Ўш ва Жалолобод хунрезликдан сўнгра Абдураҳмонов Ўзбекистонга қайтиб, Андижонда ерлашди. Университетда ишлар экан, улкан хавф-хатар остида сиёсий фаолиятини ҳам давом эттирди.
Унга яқин манбаларнинг билдиришича, Абдураҳмонов пойтахт Тошкентда ҳибсга олинган, бу ҳақда ҳатто яқинларига ҳам хабар берилмаган.
ЎХҲ фаоли ҳозир МХХ ертўласида қийноқларга тутилмоқда, лекин унга қўйилаётган айблар МХХ тарафидан ҳануз очиқланмаган.

ЎХҲ матбуот бўлими