O'zbekiston ERK Demokratik Partiyasi

Таъмагирликнинг оқибати

Таъмагирликнинг оқибати
122 views
16 February 2014 - 11:33

Буюкларимиз ҳалол-покиза киши доимо тинчликда, бировга ҳиёнат-у ёмонлик, таъмагирлик қиладиган инсонлар эса ҳалокатга гирифтордир, дея таъкидлашган.

Шундай инсонлар борки, ўз эзгуликлари билан одамларга яхшиликлар, хайрли ишлар улашадилар, биз уларни севиб ардоқлаймиз. Яна шундай тоифа инсонлар борки, ўз номақбул ишлари, хатти-ҳаракатлари билан инсон деган номга иснод келтирадилар.

Қарши саноат касб-ҳунар коллежи ўқитувчиси С. Норбеков алдаш ва ўзганинг мулкини қўлга киритиб, муайян ҳаракатни пора берган шахснинг манфаатларини кўзлаб бажариш эвазига коллежнинг 3-босқич ўқувчиси Д.Ортиқовдан имтиҳон баҳоларини қўйдириб бериб, диплом олиб бериш эвазига 525 000 сўм талаб қилиб олади. У  Д.Ортиқовдан таъмагирлик йўли билан 300 000 сўм пул олаётган вақтда ушланган.

Халқимизда шунингдек, ҳақиқат ва адолат билан тўғри иш юргизмаган ҳар бир инсон, қаттиқ азоб-уқибат ва балога гирифтор бўлади, деган нақл бор. Ўз нафсига қул бўлган бундай инсонлар эса доимо “бало”лар қуршовида қолади.

Юқоридаги ҳолат бўйича жиноят иши қўзғатилиб, суднинг тегишли қарори билан жиноий жавобгарликка тортилди.

Ганжа Муҳсин

 16.02.2014 йил.