Вазият аслида бунданда баттар огоҳлантириб қўяй, 10 ой давомида биз бир гуруҳ ижтимоий фаол аёллар педофилларни ҳукуматдаги адвокатлари билан олишиб, бонг уриб келдик!

Айрим псевдо ҳимоячилар булар бунча бақир чақир қилишаяпди, буларга нимадир керак деб ғийбатимизни ҳам қилиб юришди. Энди тушунгандирсизлар нега бунчалик бонг уриб, тинчимаганимиз сабабини, илтимос бу масалада пиар қилиб, обрў топишни ўйламанглар ҳурматли мансабдорлар, баландпарвоз гаплардан энди реал ишга ўтинглар, қанақа кастрация ҳақида гапиряпсизлар оддий бирламчи қонуний жазони белгилай олишга кучларинг етмаётган жойида, 10 ойдан буён биз таклиф қилган педофилларга қарши ишлаши мумкин бўлган қонунни игнор қилиб келаяпсиларку, фақат Танзила опа Нарбаева ҳаракат қилиб, қўлидан келганча курашди, ҳукуматдаги педофилларни адвокатлари билан олишайвериб! Эртак айтишни бас қилларинг ўзларингдан псевдо ҳимоячи ясамай, ростан қарши бўлсаларинг биз таклиф қилган қонунни тўла тўкис биринчи варианти ҳолатида қабул қилдиринглар, Адлия вазирлигидаги номаълум гуруҳ томонидан ишлаб чиқилган (ҳалигача билмаймиз айнан кимлар жонбозлигида бу вариант ишлаб чиқилганини, неччи марта учрашув ташкил қилиб беришларини талаб қилганмиз ишчи гуруҳ раисидан) амалда эса вазиятни умуман реал ўзгартирмайдиган қонунни эмас!

Айтиб қўяй биз ҳалигача парламентда қабул қилиниб, сенатга тақдим этилган ва ҳамма жойда бонг уриб, мақтанилаётган аёллар ва болаларга нисбатан зўравонликка қарши курашиш қонунини охирги вариантини қўлимизга олганимиз йўқ, негадир тақдим этиша олмаяпди. Тўғриси борган сари ҳолатимиз қанчалик аянчли эканидан ҳайратга тушаяпман, қўлларингдан келса ва ростан муаммони бартараф этишни истаётган бўлсанглар бу масалаларга масъул бўлганларни ҳаммасини жавобини бериб, реал иш берадиган мутахассисларни қўйинглар! Педофилизм бу касаллик, уни на штраф, на қамоқ ва на гап сўзлар, баландпарвоз гаплар даъволайди, муаммога сал мияни ишлатиб, илмий ёндошинглар илтимос ( қанақа илм тўғрисида гапиряпман, бизга илм эмас тупой бўлса ҳам “содиқ” бўлса бўлдию ) Бутун бир вилоятни адлия бошқарувини педофилга ишонган давлатдан нима кутиш мумкин…
Эсларингдан чиқарманглар қизлари қадрсиз, болалари арзон бўлган миллат жаҳолатга, қулликка маҳкум! Эртага қулга айлансак бунга ўзимиз айбдормиз, вақти соатида бефарқликни ёқиб олиб, гунг, кар, шол режимида юрганимиз, сўз ўйини қилинган баёнотларга алданганимиз бўлади, ҳеч кимни қизи зўравон қурбони бўлмасликдан ҳимояланмаган, эртага айнан сизни қизингиз, синглингиз, опангиз навбатдаги қурбон бўлиши мумкин!
Сизни бу муаммо энди важоҳатизни қўзэаб, дарғазаб қилган бўлса биз бу важоҳат ва ғазаб билан 10 ойдан буён яшаяпмиз….

Барногул Санакулова
Иқтисод фанлари доктори, профессор