– Мен билан расмга тушадиган бир дарахт борми?
дея ҳайқирдим мен
ёниб кетган ўрмонда туриб.

“Япроқсиз бўлса ҳам бўлаверадими?”
деди якинимда куюк бир овоз.

– Бўлаверади”,- дедим ўгирилиб,
шамолда титраётган собиқ оғочга.

– Япрок менда ҳам йўқ, дедим,
аммо илдиз бор,
етмиш йиллик ёнғин тегмади унга…

– Алҳамдулиллаҳ дарвишим, алҳамдулиллаҳ,
сен ҳам мен кабисан, сен ҳам мен каби,
Чекавер расмингни, мана, тайёрман, –
дея шивирлади ул ғозий дарахт.

20 Ўчоқ 2024