Ўзбекистон Халқ Ҳаракати Ахборот маркази
Ўзбекистон ҳукумати хусусий автобус ва микроавтобус ҳайдовчиларини йўловчи ташиш маршрутларини тарк этиб, пахта йиғим-теримига сафарбар қилинган кишиларни ташишга мажбур қилмоқда, – дея хабар беради Ўзбекистон Халқ Ҳаракати Ахборот Марказининг Тошкентдаги мухбири.
Боз устига, хусусий «маршрутка»чилар ўз ҳисобларидан ёқилғи қуйишлари керак. Бу ҳолат юзасидан норозилик билдирганларга маҳаллий амалдорлар: «Пахтакорларни ташишни истамасангизлар – лицензиянгиздан айрилаверинглар!» – дея пўписа қилишмоқда. Шу сабабдан пахта теримчиларини ташишга сафарбар қилинган «маршрутка»чилар бензин, газ ва дизель ёқилғисини ўз ҳисобларидан сотиб олишга мажбур бўлмоқдалар. Бу борада дизель моторли автотранспорт воситаларининг ҳайдовчилари кўпроқ қийналишмоқда, чунки бугунги кунда дизель ёқилғиси Ўзбекистоннинг ҳеч бир «заправка»сида эркин сотувда йўқ, бу турдаги ёқилғининг «қўл»даги нархи 3000 сўмдан 5000 сўмга (1-1,8 АҚШ долларига) чиқиб кетган.
«Маршрут линияларининг эгаларига режа бўйича пул топширишимиз кераклиги, линияларни ташлаб чиқиб кетишимиз, солярка жуда қимматлиги «катта»ларни қизиқтирмайди. Улар пахта йиғим-терими мамлакат учун стратегик аҳамиятдаги иш, барча ўзбекистонликлар учун эса ғурур ва ватанпарварлик белгиси эканлигини айтишмоқда», – дейди «Ford Transit» микроавтобусининг ҳайдовчиси Ўзбекистон Халқ Ҳаракати Ахборот марказининг мухбири билан суҳбатда. Унинг айтишича, маҳаллий амалдорларнинг мажбурлови туфайли кўпчилик ҳайдовчилар кўчага чиқмай қўйишган. «Аммо бундай «маршрутка»чиларни милиция ходимлари уйларидан, ҳаттоки ётоқларидан олиб кета бошлашди», – дея кулади ҳайдовчи.
Пахта теримчилари билан тўлдирилган автобусларнинг колонналари мамлакат пойтахти Тошкент шаҳрига элтувчи йўлларда тирбандликни ҳосил қилмоқда. Хусусий автобус ва микроавтобус ҳайдовчиларини пахта кампаниясига қанчалик миқёсда жалб қилинганлиги ҳақида реал тасаввурга эга бўлиш учун Ўзбекистон Халқ Ҳаракати Ахборот Маркази мухбири томонидан Тошкент-Бекобод автомагистралида олинган кичик видеолавҳани томоша қилиш мумкин.
АЛИШЕР ИЛҲОМОВ: ЕВРОПА ИТТИФОҚИ ВА МАРКАЗИЙ ОСИЁ ДАВЛАТЛАРИНИНГ ҚЎШМА ДЕКЛАРАЦИЯСИ ИМЗОЛАНИШИ ТУРК ДАВЛАТЛАРИ ИТТИФОҚИГА ХАВФ СОЛАДИМИ?
O‘g‘uzhan Atik: Turk davlatlarining maqsadi nima? Janubiy Kiprni nega tan oldilar – 12 milliard dollar uchunmi?
Aleksandr Sotnik: Rossiya Turkiyada diversiya faoliyatini kuchaytirmoqda
To‘rt turk davlati Turkiyani Kiprda ishgʻolchi kuch deb tan oldi
Xalqaro Turk Davlatlari Universiteti tashkil etildi