“Озодлик” радиосининг хабар беришича, Туркиянинг Эгей денгизи бўйида жойлашган ғарбий Измир минтақасида дунëдаги энг йирик халқаро ҳарбий машғулотлар ўтказилмоқда.
7 май куни бошланиб¸ 11 майда якунланадиган EFES-2018 деб номланган бу уруш ўйинларида¸ турк матбуотининг ëзишича¸ 38 давлат ҳарбийлари иштирок этмоқда.
Турк агентликларига кўра¸ 10 май кунги машғулотларни 65 нафар халқаро кузатувчи қаторида Туркиянинг энг олий даражали генераллари¸ хусусан¸ Туркия қуролли кучлари бош штаби раиси¸ генерал Hulusi Akar кузатган.
“Қўшма ҳарбий машқларда жами 7500 нафар ҳарбий иштирок этмоқда¸ уларнинг 945 нафари Туркия билан дўст бўлган давлат аскарларидир¸” дейилади Анадолу агентлиги тарқатган хабарда.
Измирдаги ҳарбий машғулотларни кузатишга келган генераллар орасида Ўзбекистон армияси вакиллари¸ иштирокчилар орасида эса¸ ўзбекистонлик аскарлар ҳам борлиги хабар қилинди.
EFES-2018 машқларида Грузия ва Қозоғистон каби постсовет давлатлари¸ шунингдек¸ Кувайт¸ Қатар¸ Саудий Арабистони¸ Покистон¸ Италия¸ Словакия ва Македония ҳарбийлари ҳам қатнашмоқда.
ЎХҲ хабарлар бўлими
МУҲАММАД СОЛИҲНИНГ 1989 йил 19 январда СССР ЁЗУВЧИЛАР УЮШМАСИ ПЛЕНУМИДАГИ НУТҚИ
Қирғиз президенти Ўзбек ёзувчиси китобини чиқарди – бунинг ортида қандай сабаблар турибди?
Рассом Охунов Тошкент марказида Муҳаммад Солиҳ яcаган ҳайкални ўрнатишни таклиф қилди
Oʻzbek kitob dizayni imzosi yoʻlidagi 30 yil. Maestro Bahriddin Bozorov bilan suhbat
Нўъмон РАҲИМЖОН: РАУФНИНГ ОХИРГИ КУНИ