2025-yil 28-fevral kuni BMTning Ixtiyoriy qamoqqa olish bo‘yicha Ishchi guruhi (WGAD) Valižon Kalonovning hibsda saqlanishi xalqaro inson huquqlari qonunchiligiga muvofiq emasligi haqida xulosa chiqardi. Ishchi guruh Kalonov “ixtiyoriy ravishda hibsga olingan” degan qarorga keldi va hukumatni “uni darhol ozod qilishga hamda unga tovon puli va boshqa shakllarda kompensatsiya to‘lashga” chaqirdi.

Kalonov – O‘zbekiston hukumatini tanqid qilib kelgan va Xitoy tomonidan uyg‘urlarga nisbatan kamsitishga qarshi chiqqan, Jizzaxlik 55 yoshli bloger.

2021-yil avgust oyida hokimiyat uni hibsga olib, ijtimoiy tarmoqlarda e’lon qilgan bayonotlariga asoslanib, “jamoat xavfsizligiga tahdid solish” va “internetda prezidentga haqorat keltirish” moddalari bilan aybladi. Rasmiylarga ko‘ra, bu chiqishlarda “diniy fundamentalizm g‘oyalari” hamda prezidentga nisbatan ochiq haqorat va tuhmat mavjud bo‘lgan.

2021-yil dekabr oyida sud Kalonov jinoiy javobgarlikka tortilmaydi, degan qarorga kelib, uni majburiy psixiatriya muolajasiga yubordi. Biroq Kalonovni taniydiganlar uning ruhiy holatida hech qanday og‘ish yo‘qligini va bu holat uni hibsga olish uchun asos bo‘la olmasligini ta’kidlashmoqda.

O‘zbekiston Milliy inson huquqlari markazi direktori Akmal Saidov yaqinda BMT Inson huquqlari qo‘mitasiga ekspert sifatida saylandi.

Shunga qaramay, O‘zbekistonning BMTning inson huquqlari bo‘yicha organlari, xususan, Ixtiyoriy qamoqqa olish bo‘yicha Ishchi guruhi qarorlarini bajarish borasidagi ko‘rsatkichlari hanuzgacha qoniqarsizligicha qolmoqda.

 Umida Niyozova