Американи асосан буюк одамлар бошқарган. Совет ва рус тарихчилари бизга ёмонотлиқ қилиб кўрсатадиган Гарри Трумэн хам  буюк президент, буюк инсон эди. У Америка тараққиёти, Америка халқининг манфаатлари учун ўзини хам қурбон қилишга тайёр одам бўлган

Трумэн президентлик ваколатлари тугагач, давлат томонидан бериладиган қўриқчилар,нафақа,маошлардан воз кечиб ўзининг туғилиб-ўсган қадрдон штати Миссурига қайтиб келади.

У АҚШ президенти сифатида Америка халқига қилган баёнотида- ” Мен яна бу буюк республиканинг оддий гражданига айландим, қонун бўйича хам аслида шундай бўлиши керак ” дейди.Барча моддий,маънавий ёрдамлардан воз кечган собиқ президент Трумэн ўзининг харбий нафақаси-112 доллар 56 центга кун кечиришга мажбур бўлганди.

Нафақадаги президентга жудаям жозибали коммерция ишларини,бизнесларни таклиф қилиб кўплаб бойлар мурожаат қиладилар.Бироқ Трумэн президентлик даражасини,обрўсини аллақандайдир осон пул топиш йўллари бўлган бизнесга қориштирмаслигини  айтиб мағрурона холда барча таклифларни рад этади. Бу нафақат менинг обрўйим,балки Американинг обрўси деган эди Трумэн.

Трумэн ўз молиявий ишларини тўғирлаб олиш учун,банкдан кредит,қарз олади.Оиласини таъминлаш ва қарзларини ёпиш учун мемуарлар ёза бошлайди. Унинг китоби учун 670 минг доллар гонарар тўлайдилар. Трумэн бу пулларни унга китобни ёзишда ёрдам берган одамларга тарқатиб чиқади. Трумэннинг ўзига бу пулдан 37000 $ гина қолганди холос .

1957 йилда Трумэн Индипендесе шахрида халқ учун кутубхона очади.

Бутун умрини Американинг юксалишига бағишлаган ажойиб инсон ва буюк сиёсатчи Гарри Трумэн 1972 йил 26 декабрь куни Канзас-Ситида вафот этади. Уни ўзи очган кутубхонанинг ховлисига дафн этганлар.

1996 йилда Голливудда у хақида-” Трумэн ” бадиий фильми хам суратга олинган.

Манба: Facebook.com