Ўртада кечган ва узоқ чўзилган бир-икки суҳбатларимиз шахс эркинлиги, инсон қадри, собиқ тузум каби ялтироқ шиорларга ўралган айни тизим ва уни қандай тозалаш, ўнглаш хусусида кечарди.

У ҳеч вақт Ватанидан ўз шахсий манфаатини устун қўймади, менингча. Юрти ва халқининг эртаси фаровон бўлиши учун қўлидан келганча уринаётган, ўз сўзига эга қатъиятли Шахс, Шоирдир.

Бу кун бир ҳурфикр Инсонни турли бўлмағур важларни рўкаж қилиб ҳибс этган сиёсатни оқлаб бўладими? Асло!

Агар унинг “Эрк”чилардан эканлиги асосий айби бўлса, ҳукуматнинг ” Эрк” ҳақида узил-кесил хулоса беришига нима монелик қиляпти? Нега ғирром тош сураяпти?

Айни чоғ биродаримиз теграсида тўзғиган қузғунлар эрта бизни-да тепамизда учмаслигига ким кафил бўлолади? Ҳеч ким!

Камина шоир оғамиз Раҳмиддин Абраевнинг озрдлигини одиллигини кўз-кўз ва иддао қилаётган давлатдан талаб этаман ва ҳамиша ватандошимни қўллаб-қувватлайман!