1 сентябрь куни Ўзбекистон Халқ Ҳаракати Истанбулда, Ўзбекистон Консуллиги биноси олдида мамлакат Мустақиллигининг йигирма бир йиллиги муносабати билан пикет ўтказди. Пикетда ЎХҲ аъзолари ва Туркиядаги жамоатчилик вакиллари қатнашди.
Пикетда ЎХҲ Муассислар Мажлиси аъзоси ва мувофиқлаштирувчиси Намоз Нормўмин ва “Ўзбеклар бирлиги” жамиятининг Раиси Адем Чевик йиғилганларга қисқа мурожаат қилдилар. Улар Ўзбекистон мустақилликка эришганига 21 бўлганига қарамай, ижтимоий ҳаётнинг барча соҳаларида совет бюрократик тизимининг меросидан қутула олмагани, ҳозирда бу меросни диктатор Ислом Каримов давом эттираётганини таъкидладилар.
Ўзбекистоннинг замонавий ва ривожланган давлат бўлишининг шарти – диктатуранинг тугатилиб, унинг ўрнига Эркинлик, Ҳуқуқ ва Адолатга асосланган Фуқаровий жамият қуриш эканлигини айтиб ўтдилар. Шунингдек, пикетда Туркия ҳукуматидан бу ерда яшаётган Ўзбекистонлик муҳожирларни Каримов режимга қайтариб бермаслик талаб қилинди.

ЎХҲ Ахборот Маркази
1 сентябрь  2012 йил